თემურ მიქელაძე

დაბადების ადგილი: ქ. ბათუმი.

სკოლის დამთავრების შემდეგ, სწავლა განაგრძო ბათუმის საზღვაო ტექნიკუმში, პარალელურად ეუფლებოდა ქართული ხალხური ცეკვის ხელოვნებას ალ. ჯიჯეიშვილის ხელმძღვანელობით; 1939 წლს იგი აჭარის ასსრ სახელმწიფო კაპელაში მიიწვიეს მოცეკვავედ; 1941-1965 წლებში მუშაობდა აჭარის სიმღერისა და ცეკვის  სახელმწიფო ანსამბლში; "განდაგანას" ბრწყინვალე შესრულებისათვის ქართული ხალხური ცეკვების ინდივიდუალურ შემსრულებელთა II, V, VI რესპუბლიკურ კონკურსებზე პირველი ხარისხის დიპლომები და ლაურეატის წოდება დაიმსახურა. სხვადასხვა დროს ქორეოგრაფად მუშაობდა ბათუმის სკოლების, ქედისა და ქობულეთის კულტურის სახლებში. დაჯილდოებულია აჭარისა და საქართველოს საპატიო სიგელებით.

წყარო: ქართული ხალხური ქორეოგრაფიის მოღვაწენი/ გიორგი სუხიშვილი.-თბ., 1988., გვ.233

• 1957 - საქართველოს დამსახურებული არტისტი
• 1952 - აჭარის ასსრ დამსახურებული არტისტი
• მედალი "კავკასიის დაცვისთვის"
• მედალი "შრომითი მამაცობისთვის"