დავით კვაჭანტირაძე

დაბადების ადგილი: ქ. თბილისი.

სწავლობდა საქართველოს პოლიტექნიკური ინსტიტუტის გეოდეზიის ფაკულტეტზე. იცავდა საქართველოს ტერიტორიულ მთლიანობას სამაჩაბლოსა და აფხაზეთში. "შავნაბადას" სპეცბატალიონის შემადგენლობაში კაპიტნის წოდებით იბრძოდა. სიკვდილის შემდეგ მაიორის წოდება მიენიჭა. დავით კვაჭანტირაძე იყო იქ, სადაც ყველაზე მეტად სჭირდებოდა ქვეყანას, იქნებოდა ეს მიწისძვრები რაჭაში, საჩხერესა და ჭიათურაში, ცხელი წერტილები მარნეულში, ბოგდანოვკაში, სამაჩაბლოში, ეშერაში, კოლხიდაში, გაგრაში. დაიღუპა 1992 წლის 29 აგვისტოს. თბილისის დიდუბის რაიონში 22-ე საშუალო სკოლას და ვაზისუბნის ერთ-ერთ დასახლებას დავით კვაჭანტირაძის სახელი ეწოდა. საქართველოს ტერიტორიული მთლიანობისათვის მებრძოლი აფხაზეთში.

წყარო: უკვდავება : საქართველოს ტერიტორ. მთლიანობისათვის აფხაზეთსა და შიდა ქართლში დაღუპულ მეომართა ბიოგრაფიები. ნაწილი 1-თბ.,1996.-გვ.234-235

• მედალი "მხედრული მამაცობისთვის" (გარდაცვალების შემდეგ)
• ვახტანგ გორგასლის I ხარისხის ორდენი (გარდაცვალების შემდეგ)