ნუგზარ ბარამია

დაბადების ადგილი: ქ. ცხაკაია.

სწავლობდა ა. ბოგომოლეცის სახელობის კიევის სამედიცინო ინსტიტუტში.

1972 წელს შრომითი საქმიანობა დაიწყო ექსპერიმენტულ ქირურგიაში უკრაინის სამეცნიერო-კვლევით ინსტიტუტში უმცროსი მეცნიერი თანამშრომლის თანამდებობაზე. საკანდიდატო დისერტაციის დაცვის შემდეგ 1983 წელს ამ დაწესებულების უფროს მეცნიერ თანამშრომლად გადაიყვანეს; 1985-2012წწ. ტრამვატოლოგიის კლინიკას ხელმძღვანელობდა. იგი ჰუმანიტარული მისიით იმყოფებოდა თურქეთში, ინდოეთში, ირანსა და პაკისტანში. მიწისძვრით დაზარალებულებს ეხმარებოდა და აღდგენით სამუშაოებში მონაწილეობდა. არჩეულია უკრაინის სამედიცინო აკადემიის პროფესორად. დაახლოებით 5000-მდე ოპერაცია და 100 000- მდე მადლიერი პაციენტი, მედიცინის დარგში დაცული საკანდიდატო დისერტაცია, კიევის ტრავმატოლოგიის კლინიკაში მომზადებული 100-ზე მეტი ქართველი მედიკოს-სპეციალისტი, სტუდენტებისთვის გამოცემული 2 სახელმძღვანელო, 42 რაციონალიზატორული წინადადება, 4 გამოგონება და 300-მდე სამეცნიერო პუბლიკაცია. არის უკრაინის სამხედრო სამედიცინო აკადემიის ქირურგიის კათედრის პროფესორი. დაჯილდოებულია უკრაინის "ოქროს ფორტუნის" პრემიით (2000),  "დამსახურებისათვის მე-3 ხარისხის" ორდენით (2002), უკრაინის მინისტრთა კაბინეტის 2 საპატიო სიგელით, "თავად იაროსლავ ბრძენის" ორდენით (2007). 2006 წელს მისი სახელი "უკრაინის გავლენიანი ადამიანების" წიგნში შეიტანეს.

წყარო: სენაკის საპატიო მოქალაქეები / ანზორ ცაგურია, ვაჟა დანელია/. - სენაკი, 2020. -გვ.132-133

• ქირურგიისა და ტრანსლანტოლოგიის უკრაინის მედიცინის მეცნიერებათა აკადემია, საპატიო წევრი

• 2018 - კიევის საპატიო მოქალაქე
• 1994 - უკრაინის დამსახურებული ექიმი
• სენაკის საპატიო მოქალაქე