მანანა შაიშმელაშვილი

დაბადების ადგილი: ქ. ქობულეთი.

დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი 1986 წელს; შ. რუსთაველის სახელობის ქართული ლიტერატურის ინსტიტუტის ასპირანტურა 1990 წელს; 2006 წლის აგვისტო - სექტემბერი - გერმანიის ქალაქ დიუსელდორფის ჰაინრიხ-ჰაინეს სახელობის სამეცნიერო-კვლევითი ინსტიტუტი - პროფესიული დაოსტატების პრაქტიკა პროგრამით - "The Friendship Grant 2006 in Dusseldorf".

1991 წლიდან მუშაობს ინსტიტუტის ჟურნალისტიკის განყოფილებაში უფროს მეცნიერ-თანამშრომლად, ასევე, ლიტერატურის ინსტიტუტისა და ქართველ მწერალთა სალიტერატურო-სამეცნიერო გაზეთ "კალმასობის" რედაქტორის მოადგილედ; მეცნიერული საქმიანობის პარალელურად ეწევა პრაქტიკულ საქმიანობასაც; სხვადასხვა დროს თანამშრომლობდა პერიოდულ გამოცემებთან: "სახალხო განათლება", "სოვეტსკაია ადჟარია", "ახალგაზრდა კომუნისტი", "საქმე", "ეპოქა", "გულანი", "დილის გაზეთი", სადაც არაერთი სამეცნიერო-პუბლიცისტური წერილი აქვს გამოქვეყნებული; აგრეთვე საკავშირო მნიშვნელობის ჟურნალ "რაბოტნიცასთან"; თანამშრომლობდა სახელმწიფოთაშორის ტელერადიოკომპანიასთან "მირი"; 2000 წლის 28 იანვრიდან 2 თებერვლამდე ჟურნალისტის სტატუსით ესწრებოდა ევროსაბჭოს ასამბლეას სტრასბურგში; აქვს მჭიდრო პროფესიული ურთიერთობები თსუ პრესის თეორიისა და პრაქტიკის კათედრასთან; 2009 წლის მაისიდან არის ივ. ჯავახიშვილის სახელობის თბილისის სახელმწიფო უნივერსიტეტის ასოცირებული პროფესორი; სოციალურ და პოლიტიკურ მეცნიერებათა ფაკულტეტის ჟურნალისტიკის მიმართულება; ოთხი სამაგისტრო ნაშრომის ხელმძღვანელი; 2 საკანდიდატო დისერტაციის ოპონენტი (2007, 2009, თსუ), ასევე, 8 სამაგისტრო ნაშრომის რეცენზენტი; მონაწილეობს სამეცნიერო კონფერენციებში, გამოქვეყნებული აქვს 35-ზე მეტი სამეცნიერო ნაშრომი და მრავალი საგაზეთო პუბლიკაცია. ფილოლოგიის მეცნიერებათა კანდიდატი (1991).

წყარო: ნახევარი საუკუნე თეთრ ტაძარში : შტრიხები ჟურნალისტიკის ფაკ. მატიანისათვის / იზოლდა ხაინდრავა.-თბ.,2005.-გვ.169; შოთა რუსთაველის ქართული ლიტერატურის ინსტიტუტი: litinstituti.ge