რევაზ ჯანჯღავა

დაბადების ადგილი: ქ. სენაკი.

დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი.

ათი წელი რედაქტორობდა რაიონულ გაზეთ "კოლხეთს". 1962-1965წწ. მუშაობდა კომკავშირის ცხაკაიას რაიკომში ჯერ ინსტრუქტორად, მერე – განყოფილების გამგედ. წლების განმავლობაში იყო რაიონის ახლგაზრდობის პოლიტიკური ორგანოს პასუხისმგებელი მუშაკი; 1966-1970წწ. აბაშის რაიონული გაზეთ "განახლებული აბაშის" რედაქტორის მოადგილე, საიდანაც "კოლხეთის" რედაქციაში გადმოიყვანეს, შემდეგ გაზეთ "კომუნისტის" საკუთარი კორესპონდენტი იყო. შვიდი წელი მუშაობდა საქართველოს კომპარტიის ცხაკაიას რაიკომში ინსტრუქტორად, პოლიტგანათლების კაბინეტის გამგედ, აგიტაცია-პროპაგანდის განყოფილების გამგედ. 1978-1988წწ. რაიონულ გაზეთ "კოლხეთს" რედაქტორობდა. იყო პარტიის რაიკომის ბიუროს და რაისაბჭოს აღმასკომის წევრი, რაიონული საბჭოს მრავალგზის მოწვევის დეპუტატი. 1988 წელს რაიონის ერთ-ერთ ხელმძღვანელად – პარტიის რაიკომის მეორე მდივნად აირჩიეს. სამი წელი იმუშავა ამ თანამდებობაზე, მერე იყო საქართველოს საიჟინრო-ეკონომიკური ინსტიტუტის დეკანი; 1993 წელს სენაკის რაიონის გამგებლის მოადგილედ დაინიშნა, ხუთი წლის შემდეგ იყო სენაკის ქალაქის საკრებულოს მდივანი, საქართველოს პარლამენტის სენაკის მაჟორიტარი დეპუტატის ბიუროს სპეციალისტი. ხელმძღვანელობდა საქართველოს ეროენული გმირის – ჟიული შარტავას სახელობის მხარეთმცოდნეობის მუზეუმს, სათავეში უდგას საზოგადოება "სენაკელის" გამგეობას, რომელიც აერთიანებს სენაკის ღირსეულ ადამიანებს.

წყარო: სენაკის საპატიო მოქალაქეები / ანზორ ცაგურია, ვაჟა დანელია/. - სენაკი, 2020. -გვ. 208-210

• საქართველოს ჟუნალისტთა კავშირი, გამგეობის წევრი

• სენაკის საპატიო მოქალაქე