გულიკო სიხარულიძე

დაბადების ადგილი: ქ. თბილისი.

ქორეოგრაფიულ ხელოვნებას ეზიარა თბილისის სახელმწიფო ქორეოგრაფიულ სასწავლებელში 1961-1969 წლებში, რესპუბლიკის დამსახურებული არტისტის ს. ნონიაშვილის ხელმძღვანელობით. 1968 წელს ქართული ხალხური ცეკვის სახელმწიფო აკადემიურ დამსახურებულ ანსამბლში მოცეკვავედ. დროთა განმავლობაში გ. სიხარულიძე ქართული ცეკვების ერთ-ერთ უბადლო შემსრულებლად ჩამოყალიბდა. მრავალფეროვანია მისი საშემსრულებლო რეპერტუარი, ქართულ ცეკვებთან ერთად ნიჭიერად ასრულებს "აზერბაიჯანულ", "ბერძნულსა" და სხვა ცეკვებს. დაჯილდოებულია საპატიო სიგელებით, არის კომუნისტური შრომის დამკვრელი. ეწევა ნაყოფიერ პედაგოგიურ მოღვაწეობას საქართველოს მუსიკალური და ქორეოგრაფიული საზოგადოების ქორეოგრაფიულ სასწავლებელში.

წყარო: ქართული ხალხური ქორეოგრაფიის მოღვაწენი/ გიორგი სუხიშვილი.-თბ.,1988.- გვ.251

• 1986 - საქართველოს სახალხო არტისტი
• 1981 - საქართველოს დამსახურებული არტისტი