ნანა წითელაშვილი

დაამთავრა თბილისის მ. ბალანჩივაძის სახელობის სამუსიკო სასწავლებელი; თბილისის სახელმწიფო უნივერსიტეტის ფილოლოგიის ფაკულტეტის ჟურნალისტიკის სპეციალობა 1970 წელს; ილია ჭავჭავაძის სახელობის უცხო ენათა პედაგოგიური ინსტიტუტი ფრანგული ენისა და ლიტერატურის სპეციალობით; 1977 წელს მოეწყო ქ. მოსკოვის მ. ვ. ლომონოსოვის სახელობის სახელმწიფო უნივერსიტეტის ასპირანტურაში (ფრანგული ბურჟუაზიული პრესის ისტორია). 

მუშაობდა 131-ე სამუსიკო სკოლაში პედაგოგად; თსუ ჟურნალისტიკის ფაკულტეტზე ლაბორანტად; საქ. ტელევიზიის სპეც. კორესპონდენტად; ქ. მოსკოვის ზონაში საქართველოს მეცნიერებათა აკადემიის უმცროს მეცნიერ თანამშრომლად; ქ. თბილისის ტექნიკურ უნივერსიტეტში პედაგოგად; 1992-1993წწ. როგორც შინაგანი ჯარების პრესსამსახურის უფროსი, იმყოფებოდა სამაჩაბლოსა და აფხაზეთში; 1996-1998წწ. იყო საქართველოს სასაზღვრო დეპარტამენტის პრესსამსახურის უფროსი; 1972 წლიდან საქართველოს ტელევიზიის ჯერ შტატგარეშე ავტორი, ხოლო შემდგომ კომენტატორია. გამოქვეყნებული აქვს სამეცნიერო სტატიები, მოთხრობები და ნოველები; საქართველოს ტელევიზიით - ვიდეოფილმების სერიალები, მათ შორის "მართლმადიდებლობა საქართველოს სახელმწიფოებრიობის ზნეობრივი ფორმა"; პროგრამები "წრე", "XX-ე საუკუნე", "კვალი"; 2001 წელს ვიდეო ფილმების სერიალისთვის "ჩემი გოგლა" (გ. ლეონიძის 100 წლისთავთან დაკავშირებით) წარდგენილი იყო სახელმწიფო პრემიაზე; წარდგენილია ნომინაციაში "წლის გამორჩეული ქალი მედიასა და ლიტერატურაში - 2025". ფილოლოგიურ მეცნიერებათა დოქტორი.

საკანდიდატო დისერტაციის თემა - "ჟურნალი "პარი მტი" საფრანგეთის ბურჟუაზიული პროპაგანდის სისტემაში", დაიცვა 1982 წელს.

წყარო: ნახევარი საუკუნე თეთრ ტაძარში : შტრიხები ჟურნალისტიკის ფაკ. მატიანისათვის / იზოლდა ხაინდრავა.-თბ.,2005.-გვ.179; ლიდერ ქალთა საზოგადოება: lws.ge

• საქართველოს ჟურნალისტთა ფედერაცია, წევრი (1972-)

• ცრემლები კვიპაროსებზე (ავტორი). - თბილისი, ეროვნული მწერლობა, 2010. - 144გვ.. - ISBN: 978-9941-0-2178-7
• მზის ბილიკზე ბეღურა ზის (ავტორი). - თბილისი, ოპიზა, 2004. - 128გვ.