ზურაბ ქველიძე

დაბადების ადგილი: ქ. თბილისი.

1946 წელს ჯერ კიდევ სკოლის მოსწავლე ჩაირიცხა ვაჭრობის მუშაკთა კულტურის სახლთან არსებულ ქორეოგრაფიულ ანსამბლში გ. დარახველიძის ხელმძღვანელობით და სულ მალე წამყვანი მოცეკვავე გახდა. 1950 წელს სკოლადამთავრებულმა ზ. ქველიძემ ჩაირიცხა სოხუმის ქართული ხალხური ცეკვის ანსამბლში. 1952 წლიდან იგი საქართველოს ხალხური ცეკვის სახელმწიფო აკადემიურ ანსამბლის წამყვანი მოცეკვავე-მსახიობია და წლების მანძილზე წამყვან მოცეკვავეთა რიგებში იყო. ომარ მხეიძესთან ერთად ღირსეულ პარტნიორობას უწევდა ლეგენდად ქცეულ ნინო რამიშვილს ცეკვა "ქართულსა" და "ჯეირანში". იყო მსოფლიო ახალგაზრდობის IV ფესტივალის ლაურეატი,  დაჯილდოებულია სიგელებითა და დიპლომებით.

წყარო: ქართული ხალხური ქორეოგრაფიის მოღვაწენი/ გიორგი სუხიშვილი.-თბ.,1988.- გვ.266

• 1965 - საქართველოს დამსახურებული არტისტი