კონსტანტინე თედელური

დაბადების ადგილი: სოფელი გორიჯვარი, გორის რაიონი.

სკოლის დამთავრების შემდეგ სწავლა გააგრძელა მოსკოვში, ქიმიის სასწავლებელში, ასევე სწავლობდა ქ. რიაზანის სარკინიგზო სასწავლებელში.

მონაწილეობა აქვს მიღებული თითქმის ყველა იმ საომარ მოქმედებაში, რომელსაც აწარმოებდა ყოფილი საბჭოთა კავშირი: ფინეთში, პოლონეთში, გერმანიაში და ა.შ. მიღებული აქვს საბრძოლო ორდენები, მედლები და უმაღლესი მთავარსარდალის მადლობები. იყო ახალაგზრდული კომკავშირული ორგანიზაციის წევრი 1939 წლიდან, ხოლო კომუნისტური პარტიის წევრი 1947 წლიდან. ომის დამთავრების შემდეგ დაუბრუნდა მშობლიურ კუთხეს და შეუდგა აქტიურ შრომით საქმიანობას სხვადასხვა უბანზე: მშრომელთა დეპუტატების საბჭოს აღმასრულებელ კომიტეტში (ინსტრუქტორი); აგროტექნიკუმში (ლექციებს კითხულობდა აგროქიმიაში); შპალსაჟღენთ ქარხანაში (ცვლის უფროსი); მანქანა-ტრაქტორთა სადგურში ("მტს") გამგედ და სხვა. წერდა ლექსებს, ეხერხებოდა ხატვა, აფორმებდა მეგობრულ შარჟებს, უკრავდა მანდოლინაზე და მღეროდა. 

წყარო: ხსოვნის წიგნი. ნაწილი 12/ვახტანგ ჭანკოტაძე. -თბ., 2021. -გვ.21-23