ნოდარ ლაცაბიძე

დაბადების ადგილი: ქ. ხაშური.

დაამთავრა საქართველოს პოლიტექნიკური ინსტიტუტი სამრეწველო საწარმოთა ელექტროფიკაციის სპეციალობით 1956 წელს.

ათი წლის განმავლობაში მუშაობდა გორის კვლევით-სამეცნიერო ინსტიტუტში ("ნიიავტომატპრომი") ინჟინრად. იყო რაციონალური წინადადებების, გამოგონებების, წარმოებაში დანერგილი სიახლეებიის ავტორი, რამაც მოუტანა საკავშირო აღიარება, სიგელები, დიპლომები, მადლობები, პრემიები და ა.შ.; გორის კვლევით-სამეცნიერო ინსტიტუტში ("ნიიავტომატპრომში") მუშაობდა შემდეგ თანამდებობებზე: ლაბორანტი, ინჟინერი, უფროსი მეცნიერ-მუშაკი, ლაბორატორიის უფროსი, განყოფილების გამგე; ქ. კრასნოდარის მზესუმზირის ზეთის ქარხანაში - ინჟინერ-ტექნოლოგი; კითხულობდა ლექციებს "სამრეწველო ობიექტების ელექტროფიკაცია", საქართველოს პოლიტექნიკური ინსტიტუტის გორის ფილიალში; იყო გორის ე.წ. "ზუსტი ხელსაწყოების" ქარხნის მთავარი ინჟინერი; საქართველოს "საქმთავარენერგოს" გორის ფილიალის მთავარი ინჟინერი და სხვა. გავლილი ჰქონდა სპეციალური სწავლების კურსი მოსკოვში, ელექტროფიკაციისა და ენერგეტიკის სამინისტროში, რომელიც განკუთვნილი იყო მხოლოდ წარმოების დირექტორებისა და მთავარი ინჟინრებისათვის.

წყარო: ხსოვნის წიგნი. ნაწილი 12/ვახტანგ ჭანკოტაძე. -თბ., 2021. -გვ.25-27