გოჩა ხუნდაძე

დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი 1972 წელს.

სხვადასხვა წლებში მუშაობდა გაზეთებში: "ახალგაზრდა კომუნისტი" და "დრონი". საქართველოს ტელევიზიისა და რადიომაუწყებლობის სახელმწიფო კომიტეტში იყო საინფორმაციო პროგრამა "მოამბისა" და რადიოს საკვირაო საინფორმაციო გამოშვების წამყვანი. მოგვიანებით კომიტეტის თავმჯდომარის მოადგილე გახდა. 1992 წლიდან საქართველოს ტელევიზიისა და რადიომაუწყებლობის დეპარტამენტის დირექტორის მოვალეობის შემსრულებელი, შემდეგ ტელევიზიისა და რადიომაუწყებლობის კორპორაციის თავმჯდომარის პირველი მოადგილე იყო. 1994-2012წწ. საქართველოს ენის სახელმწიფო პალატის თავმჯდომარის მოადგილე, კინოსტუდია "ქართული ფილმის" დირექტორის მოადგილე, საქართველოს საპატრიარქოს ტელევიზია "ერთსულოვნების" პროგრამა "განთიადის" შემქმნელი და ხელმძღვანელი.

წყარო: ნახევარი საუკუნე თეთრ ტაძარში : შტრიხები ჟურნალისტიკის ფაკ. მატიანისათვის / იზოლდა ხაინდრავა.-თბ.,2005.-გვ.185; მედია ჰოლდინგი რეპორტიორი: reportiori.ge

• 2010 - ნიკო ნიკოლაძის სახელობის პრემია
• ღირსების მედალი
• საქართველოს დამსახურებული ჟურნალისტი

• 11 ინტერვიუ (ავტორი). - თბილისი, Aureus, 2017. - 100გვ.. - ISBN: 9789941941290
• საქართველო-პოლონეთის ურთიერთობის ისტორიიდან (თანაავტორი). - თბილისი, სამეცნ. რედ., 2012. - 133გვ.. - ISBN: 978-9941-0-4829-6