ზურაბ ხოფერია

დაბადების ადგილი: სოფელი გვიმბალაური, ლანჩხუთის რაიონი.

ქართული ხალხური ცეკვის ხელოვნებას ეზიარა მ. რაქვიაშვილისა და მ. ქსოვრელის ხელმძღვანელობით.1951-1953წწ. ცეკვავდა საქართველოს ხალხური ცეკვის დამსახურებულ აკადემიურ ანსამბლში ნ. რამიშვილისა და ი. სუხიშვილის ხელმძღვანელობით; 1953-1975წწ. იგი ნაყოფიერ საშემსრულებლო მოღვაწეობას ეწეოდა საქართველოს სიმღერისა და ცეკვის სახელმწიფო დამსახურებულ ანსამბლში. გამოირჩეოდა მისი ცეკვები "სიმდი" (სოლო ცერებზე), "სვანური" (სოლო ცერებზე), "მარულა" და ქორეოგრაფიული კომპოზიცია "მოხევის ქალო თინაო". 1953 წელს საქართველოს ხალხური ცეკვის დამსახურებულ აკადემიურ ანსამბლთან ერთად მონაწილეობა მიიღო მსოფლიო ახალგაზრდობის ფესტივალზე რუმინეთში. დაჯილდოებულია ბევრი სიგელითა და მედლით.

  წყარო: ქართული ხალხური ქორეოგრაფიის მოღვაწენი/ გიორგი სუხიშვილი.-თბ.,1988.-გვ.289

• 1970 - საქართველოს დამსახურებული არტისტი