ომარ ხუბაევი

დაბადების ადგილი: ქ. გორი.

ქართულ ხალხურ ქორეოგრაფიულ ხელოვნებას დაეუფლა გორის ზოგადსაგანმანათლებლო სკოლაში ს. ლაზარაშვილის ხელმძღვანელობით. მალე გორის კულტურის სახლთან არსებული ბავშვთა ქორეოგრაფიული ანსამბლის შემადგენლობაში ჩაირიცხა. ამ ანსამბლში ცეკვის ხუთი წლის სწავლისას გაიზარდა და დაიხვეწა ო. ხუბაევის საცეკვაო რეპერტუარი, შესრულების კულტურა. სკოლის დამთავრების შემდეგ მუშაობა დაიწყო საქართველოს სიმღერისა და ცეკვის სახელმწიფო დამსახურებულ ანსამბლში მოცეკვავე-მსახიობად. იგი წლების მანძილზე საქართველოს სიმღერისა და ცეკვის სახელმწიფო დამსახურებული ანსამბლის (სუხიშვილების) სოლისტი იყო. მიღებული აქვს წამახალისებელი ჯილდოები, დიპლომები და სიგელები, ინდივიდუალურ შემსრულებელთა რესპუბლიკურ კონკურსში ცეკვისთვის "ხონგა" ოქროს მედალი და პირველი ხარისხის დიპლომი (1972).

წყარო: ქართული ხალხური ქორეოგრაფიის მოღვაწენი/ გიორგი სუხიშვილი.-თბ.,1988.- გვ.291

• საქართველოს დამსახურებული არტისტი
  ქართული ხალხური ქორეოგრაფიის განვითარებისა და პოპულარიზაციის საქმეში თვალსაჩინო დამსახურებისთვის