გიორგი ჯანელიძე

დაბადების ადგილი: ქ. თბილისი.

დაამთავრა  შოთა რუსთაველის სახელობის თეატრისა და კინოს სახელმწიფო ინსტიტუტის, კინომცოდნეობის ფაკულტეტი 2002 წელს; ბავარიის სატელევიზიო აკადემიის ტელეჟურნალისტიკის ფაკულტეტი 2004 წელს.

მუშაობდა (თსუ-ში სწავლის პარალელურად) დამოუკიდებელი ტელეკომპანია "იბერვიზიის" საინფორმაციო პროგრამა "მონიტორის" კორესპონდენტად და რედაქტორად; 1994 წელს დაინიშნა აჭარის ტელევიზიის საკორესპონდენტო პუნქტ "თბილისის" რედაქტორის თანამდებობაზე; 1994-1995წწ. თანამშრომლობდა ქართულ გაზეთებთან: "რადიო სითი" და "ინფოზავრი"; 1995 წელს საქართველოს I არხის ეთერში გავიდა  მისი და პაატა კუპატაძის ავტორობით მომზადებული გადაცემა "ლეგენდა გრძელდება" (6 ნაწილად); 1999 წელს თბილისის სახელმწიფო უნივერსიტეტში დაიცვა სადიპლომო ნაშრომი თემაზე: "30-იანი წ.წ. ქართული სატირულ-იუმორისტული ჟურნალები" და მიენიჭა ჟურნალისტის კვალიფიკაცია. 1998-2003წწ. იყო ქალაქ მიუნხენის (გერმანია) ტელევიზიისა და ფილმის უმაღლესი სკოლის პროგრამული სტუდენტი; პერიოდულად თანამშრომლობდა ტელეკომპანია "იმედთან", გაზეთ "24 საათსა" და ბერლინში გამომავალ ქართულ გაზეთთან "იბერია".

წყარო: ნახევარი საუკუნე თეთრ ტაძარში : შტრიხები ჟურნალისტიკის ფაკ. მატიანისათვის / იზოლდა ხაინდრავა.-თბ.,2005.-გვ.191

• ბავარიის (გერმანიის) ჟურნალისტთა ფედერაცია, წევრი (2000-)
• საქართველოს ჟურნალისტთა ფედერაცია, წევრი (1995-)