გივი გოგოლაძე

დაბადების ადგილი: ქ. ბორჯომი.

დაამთავრა ბორჯომის სატყეო ტექნიკუმი; გორის ნიკილოზ ბარათაშვილის სახელობის პედაგოგიური ინსტიტუტი ქართული ენისა და ლიტერატურის და ისტორიის სპეციალობით 1963 წელს; თბილისის სახელმწიფო უნივერსიტეტის იურიდიულ ფაკულტეტი.

1964-1966წწ. მუშაობდა კასპის რაიონში (სოფ. რეხა) სასწავლო ნაწილის გამგედ და ისტორიის მასწავლებლად, შემდეგ ქ. გორის მე-2 საშუალო სკოლაში დირექტორის მოადგილედ და ისტორიის მასწავლებლად. თითქმის 30 წელი მუშაობდა ძალოვან სტრუქტურებში. მიღებული აქვს სახელმწიფო ჯილდოები: პოდპოლკოვნიკის წოდება, სამი მედალი, ორი საპატიო სამკრდე ნიშანი და მრავალი მადლობა და საპატიო დიპლომ-სიგელი. მონაწილეობდა ყაზახეთის ყამირი მიწების ათვისებაში. აქტიურად მონაწილეობდა, იმ დროს ისტორიულ კამპანიად აღიარებულ ღონისძიებაში და ორჯერ იყო ყამირელთა ყრილობის დელეგატი.

წყარო: და ვანთებ სანთელს. [ნაწ. 1], (მდუმარე კოჰორტა): წიგნი ეძღვნება იმ ადამიანების ხსოვნას, რომლებმაც ნათელი კვალი დაამჩნიეს ავტორის ცხოვრებას/ვახტანგ ჭანკოტაძე. -თბ., 2007. -გვ.51-53