ტარიელი ურჯუმელაშვილი

დაბადების ადგილი: სოფელი ვარიანი, გორის რაიონი.

თბილისში ჩამოსულმა რაიკოოპერატივთან არსებულ ინსტრუქტორთა მოსამზადებელ კურსებზე დაიწყო სწავლა; შემდეგ  მუშაობა განაგრძო სოფელ ბერბუკში დისლოცირებულ მანქანა-ტრაქტორთა სადგურის უფროსად; 1939 წელს ჩააბარა მოსკოვის საკავშირო დაქვემდებარების ინსტიტუტის იურიდიული ფაკულტეტზე; პარალელურად დაიწყო მუშაობა ბანკის მმართველად ქ. კასპში; 1949 წელს დაამთავრა უმაღლესი სასწავლებელი და მიენიჭა იურისტის წოდება; ინსტიტუტის დამთავრების შემდეგ იყო საქართველოს პროკურატურაში საგანგებო დავალებათა პროკურორი; 1947 წლიდან თიანეთის პროკურორი. 1952 წელს, პირადი თხოვნის საფუძველზე სამუშაოდ გადავიდა ქ. გორის პროკურატურაში უფროს გამომძიებლად; შემდგომ წლებში იგი მუშაობდა ჯერ გორის ავტოსადგურის ხელმძღვანელად, ხოლო შემდეგ სოფელი ვარიანის მელიორატორად. 

წყარო: ხსოვნის წიგნი. ნაწილი 7 / ვახტანგ ჭანკოტაძე .-თბ.,2020.-გვ.53-54