ოთარ ოქროპირიძე

დაბადების ადგილი: სოფელი დისევი, ცხინვალის რაიონი.

დაამთავრა საქართველოს სასოფლო-სამეურნეო ინსტიტუტი და მიიღო მეტყევე-ინჟინრის სპეციალობა; თბილისის სახელმწიფო უნივერსიტეტის ბუნების დაცვის ფაკულტეტი.

მონაწილოებდა მეორე მსოფლიო ომში; ომიდან დაბრუნდა რამდენიმე საბრძოლო მედლით და სარდალთა მადლობებით.; სხვადასხვა წლებში მუშაობდა: ცხინვალის სატყეო მეურნეობის მეტყევე-ინჟინრად; სოფ. დისევის კოლმეურნეობის თავმჯდომარედ (ამ პერიოდში მისი თაოსნობით მოწესრიგდა სოფლის წყლით მომარაგების, ელექტროენერგიისა და რადიოს ხაზების გაყვანის მტკივნეული პრობლემები. აშენდა ასევე ადმინისტრაციული და რვაწლიანი სკოლის შენობები); გორის საცდელსაჩვენებელ სატყეო მეურნეობაში ტყის კულტურების ინჟინრად (გააშენა ათობით ჰექტარი ტყის მასივი); შიდა ქართლის კომპლექსური ლაბორატორიის უფროსად; გარემოსა და ბუნებრივი რესურსების დაცვის შიდა ქართლის რეგიონული სამმართველოს მთავარ სპეციალისტად, სპეციალობის მიხედვით მრჩეველ-კონსულტანტად და ა.შ.; იყო საქართველოს მწვანეთა პარტიის აქტიური წევრი და გორის განყოფილების ერთ-ერთი დამფუძნებელი. მიღებული აქვს საქართველოს საპატიო მონადირის წოდება და გარემოსა და ბუნებრივი რესურსების დაცვის მინისტრის მადლობა. მუშაობდა სასამართლოში მსაჯულად. სისტემატურად აქვეყნებდა საინტერესო წერილებს, როგორც ადგილობრივ, ისე რესპუბლიკურ ჟურნალ-გაზეთებში, მათ შორის "საქართველოს ბუნებაში".

წყარო: და ვანთებ სანთელს. [ნაწ. 1], (მდუმარე კოჰორტა): წიგნი ეძღვნება იმ ადამიანების ხსოვნას, რომლებმაც ნათელი კვალი დაამჩნიეს ავტორის ცხოვრებას/ვახტანგ ჭანკოტაძე. -თბ., 2007. -გვ.-121-123

• შრომის წითელი დროშის ორდენი