რომან ადეიშვილი

დაბადების ადგილი: სოფელი ყურუმი, ვანის რაიონი.

დაამთავრა თბილისის რკინიგზის ტრანსპორტის ინჟინერთა ინსტიტუტი.

ინსტიტუტის დამთავრების შემდეგ, მუშაობა დაიწყო გორში არსებულ სამშენებლო ორგანიზაციაში "ხიდმშენი", სადაც ხანგრძლივი პერიოდის განმავლობში იმუშავა სხვადასვა თანამდებობაზე: რიგითი ინჟინერი, განყოფილების გამგე, სამუშაოთა მწარმოებელი, უბნის უფროსი და სხვ. იყო მრავალი რაციონალიზატორული წინადადებისა და გამოგონების ავტორი. მიღებული ჰქონდა სპეციალური დიპლომები, სიგელები და პრემიები. 1973-1975წწ. მუშაობდა გორის N9 სამშენებლო ტრესტში. ბევრი ხიდი აქვს აშენებული და აღდგენილი, როგორც გორში, ისე მთელ საქართველოში. მისი უშუალო მონაწილეობით აშენდა გორში ე. წ. ახალი ხიდი, რკინიგზაზე გადასასვლელი ხიდი, გაფართოვდა ხიდი ლიახვზე, აიგო ხიდი მდ. მეჯუდაზე, ხიდი მდ. რიონზე (სამტრედია-საჯევახოს ტრასაზე), აფხაზეთში აკარმარას ხიდი, თბილისში ბარათაშვილის ხიდი, ბორჯომში ე. წ. სილამაზის ხიდი, ტყიბულში, ზესტაფონში და ა.შ.

წყარო: და ვანთებ სანთელს. ნაწ. 2 (ხსოვნის წიგნი): წიგნი ეძღვნება აწგარდაცვლილი გორელების ხსოვნას/ვახტანგ ჭანკოტაძე. -თბ., 2007. -გვ.9-11