ზურაბ ერგემლიძე

დაბადების ადგილი: ქ. ჭიათურა.

დაამთავრა თბილისის სახელმწიფო უნივერსიტეტის კიბერნეტიკისა და გამოყენებითი მათემატიკის ფაკულტეტი 1975 წელს.

1975-1979წწ. იყო საქართველოს მეცნიერებათა აკადემიის კიბერნეტიკის ინსტიტუტის უმცროსი მეცნიერ თანამშრომელი; 1979-1986წწ. ნიკო მუსხელიშვილის სახელობის გამოთვლითი მათემატიკის ინსტიტუტის უმცროსი მეცნიერ-თანამშრომელი; 1989-1999წწ. გამოთვლითი მათემატიკის ინსტიტუტის უფროსი მეცნიერი თანამშრომელი; 1999-2009წწ. "ავერსი-ფარმა"-ს წამლების რეალიზაციის განყოფილების მენეჯერი ; იყო 15 ნაბეჭდი სამეცნიერო ნაშრომის ავტორი; აქტიურად მონაწილეობდა სხვადასხვა სამეცნიერო კონფერენციებში; კითხულობდა ლექციებს თბილისის სახელმწიფო უნივერსიტეტში, ჰუმანიტარულ-ეკონომიკურ ინსტიტუტში "გაენათი", ეკონომიკისა და სამართლის ინსტიტუტში (კერძო სასწავლებელი), ასევე ასწავლიდა მათემატიკას თბილისის საშუალო სკოლაში (1988-1999); რამდენჯერმე ჰქონდა მიღებული როგორც ფულადი, ასევე სხვადასხვა წამახალისებელი ჯილდო. ფიზიკა-მათემატიკის მეცნიერებათა კანდიდატი (1986, ქ. ვილნიუსი).

წყარო: საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.93-95