მირიანი მაკრახიძე

დაბადების ადგილი: ქ. გორი.

დაამთავრა საქართველოს სასოფლო-სამეურნეო ინსტიტუტის მექანიზაციის ფაკულტეტი ინჟინერ-მექანიკოსის კვალიფიკაციით 1958 წელს.

სკოლის დამთავრების შემდეგ მუშაობდა მუშად გორის რაიონის ჭარხლის დამამზადებელ პუნქტში. ინსტიტუტის დამთავრების შემდეგ მუშაობდა: საკავშირო ხელსაწყოთმშენებლობისა და მართვის სისტემების სამინისტროს გორის ქარხანა; საავტომობილო გზების სამინისტროს გორის N2 ა/ს საწარმოს დირექტორი; გორის სარეკლამო ბიუროს დირექტორი; N9 მექანიზაციის სამმართველოს უფროსი; გორის N3 ა/ს საწარმოს დირექტორი; კასპის N76 მ.მ. კოლონა, უბნის უფროსი; აგრომშენებლობის მცხეთის N2 ა/ს საწარმოს დირექტორი და ა.შ. არაერთხელ იქნა არჩეული ადგილობრივი საბჭოების დეპუტატად. იყო პარტიის საქალაქო კომიტეტის წევრი. ნაყოფიერი სამეურნეო და საზოგადოებრივი მოღვაწეობისათვის მიღებული ჰქონდა სამთავრობო ჯილდოები და საპატიო სიგელები.

წყარო: და ვანთებ სანთელს. ნაწ. 2 (ხსოვნის წიგნი): წიგნი ეძღვნება აწგარდაცვლილი გორელების ხსოვნას/ვახტანგ ჭანკოტაძე. -თბ., 2007. -გვ.45-46