ციალა ჩხეიძე

დაბადების ადგილი: ქ. ქუთაისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1942 წელს.

1942-1944წწ. მუშაობდა მაიაკოვსკის (დღევანდელი ბაღდათი) რაიონის სოფელ დიმის უბნის ექიმად; 1944-1946წწ. თბილისის ექიმთა დახელოვნების სახელმწიფო ინსტიტუტის ცენტრალური კლინიკური საავადმყოფოს მეორე თერაპიული კლინიკის სტაჟიორი; 1946-1970წწ. თბილისის სახელმწიფო სამედიცინო ინსტიტუტის კათედრის ასისტენტი, მედიცინის მეცნიერებათა კანდიდატი (1951), თბილისის სახელმწიფო სამედიცინო ინსტიტუტის კათედრის დოცენტი (1970); პერსონალური პენსიონერი (1987 წლიდან); 1987-1996წწ. ქართული მედიცინის ისტორიის  სახელმწიფო მუზეუმის უფროსი მეცნიერ-თანამშრომელი; არის 52 მნიშვნელოვანი სამეცნიერო ნაშრომის, მათ შორის 3 სამედიცინო ინსტიტუტის სტუდენტთათვის სახელმძღვანელოს ავტორი; მეცნიერის საკვალიფიკაციო ნაშრომი "მასალები თერაპიის ისტორიისათვის XIX საუკუნის საქართველოში" (1951), ახალი სიტყვა იყო საქართველოს მედიცინის ისტორიაში, ხოლო მეცნიერის ნაშრომი "ივანე ჯავახიშვილი და ქართული მედიცინა" ("დროშა" 1975, N9), პირველი სიტყვაა ქართულ მედიცინის ისტორიაში ივანე ჯავახიშვილის დამსახურების თაობაზე. ექიმი-თერაპევტი, მწერლისა და საზოგადო მოღვაწის დავით (დია ჩიანელი) ჩხეიძის შვილი.

წყარო: საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.242-243