მარგო დიაკონიძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი 1954 წელს.

1954-1957წწ. მუშაობდა დუშეთის რაიონული გაზეთ "სტალინური გზის" მშრომელთა წერილების განყოფილების გამგედ, პ/მ მდივნად; 1957-1960წწ. მცხეთის რაიონულ გაზეთ "კომუნისტური გზის", გაზეთ "სოფლის ცხოვრების" კორესპონდენტად, მშრომელთა წერილების განყოფილების გამგედ, პ/მ მდივნად; 1997 წლიდან იყო კვლავ "სოფლის ცხოვრების" კორესპონდენტი, პარალელურად მუშაობდა საგანმანათლებლო გაზეთ "საუკუნის გადასახედის" რედაქტორად; გაზეთ "სიყვარულის" რედაქციაში თანარედაქტორად. სისტემატურად თანამშრომლობდა საქართველოს სხვადასხვა ჟურნალ-გაზეთში. მიღებული აქვს სახელმწიფო ჯილდოები.

წყარო: ნახევარი საუკუნე თეთრ ტაძარში : შტრიხები ჟურნალისტიკის ფაკ. მატიანისათვის / იზოლდა ხაინდრავა.-თბ.,2005.-გვ.217

• საქართველოს ჟურნალისტთა ფედერაცია, წევრი (1959-)

• 1983 - საქართველოს დამსახურებული ჟურნალისტი