ელგუჯა შარტავა

ელგუჯა გივის ძე შარტავა 1992 წლის 1 დეკემბრიდან 1993 წლის 27 სექტემბრამდე ირიცხებოდა აფხაზეთის ავტონომიური რესპუბლიკის მინისტრთა საბჭოსა და თავდაცვის საბჭოსთან არსებული სოხუმის გარნიზონის სპეციალური დანიშნულების რაზმ "იუპიტერის" პირადი შემადგენლობის პირადი დაცვის სამსახურში განყოფილების უფროსად, სამხედრო წოდებით-კაპიტანი. აქტიურად მონაწილეობდა საბრძოლო ოპერაციებში სოფლებთან: თავისუფლება, შრომა, გუმისთა, ბესლახუბა. ელგუჯა შარტავა 1993 წლის 27 სექტემბერს ქ. სოხუმში საბრძოლო მოქმედებების დროს ტყვედ აიყვანეს და დახვრიტეს. წითელი ჯვრის საერთაშორისო კომიტეტის დახმარებით, ელგუჯა შარტავას ცხედარი იდენტიფიცირებულ და გადმოსვენებულ იქნა 2017 წლის ნოემბერში. საქართველოს ტერიტორიული მთლიანობისათვის მებრძოლი აფხაზეთში.

წყარო: მემატიანე.ჯი: შექმენი საკუთარი ისტორია: mematiane.ge; რადიო თავისუფლება: radiotavisupleba.ge

• ვახტანგ გორგასლის III ხარისხის ორდენი (გარდაცვალების შემდეგ)
  სამშობლოს ტერიტორიული მთლიანობისათვის ბრძოლაში გამოჩენილი გმირობის, ვაჟკაცობისა და თვგანწირვისათვის