მარიამ კავლელაშვილი

დაბადების ადგილი: ქ. გორი.

დაამთავრა თბილისის სამედიცინო ინსტიტუტის ფარმაკო-ქიმიური ფაკულტეტი და მუშაობა დაიწყო აფთიაქში; ქ. მახაჩკალის (დაღესტანი) სამედიცინო ინსტიტუტის სამკურნალო ფაკულტეტი.

მახაჩკალის სამედიცინო ინსტიტუტში სწავლის პერიოდი მთლიანად დაემთხვა მეორე მსოფლიო ომის მიმდინარეობას. იყო უშუქობა, საკვები პროდუქტების დეფიციტი, სწავლისა და შრომის არეული გრაფიკი, სანგრების თხრასა და თავდაცვითი ზღუდეების აღმართვაში მონაწილეობა, დაბომბვებისას თავშესაფრებში ხანგრძლივი ყოფნა და ა.შ. ომის დამთავრების შემდეგ დაბრუნდა სამშობლოში. მუშაობა დაიწყო გორის ტუბსაწინააღმდეგო დისპანსერში, სადაც იმუშავა სიცოცხლის ბოლომდე. დაჯილდოებული იყო საპატიო დიპლომებით, სიგელებითა და მედლებით.

წყარო: ხსოვნის წიგნი. ნაწილი 5/ვახტანგ ჭანკოტაძე. -თბ., 2019. -გვ.39-42

• 1974 - საქართველოს დამსახურებული ექიმი
• მედალი "კავკასიის დაცვისთვის"