ერეკლე ბეჟუაშვილი

დაბადების ადგილი: ქ. თელავი.

სწავლობს სსიპ ქალაქ თელავის მეფე ერეკლე მეორის სახელობის № I საჯარო სკოლაში.

რამდენიმე გამოუქვეყნებელი რომანის, ასობით ლექსის და ერთი გამოცემული წიგნის ავტორი (საუბარია "ტიბეტურ საგანძურზე", რომელიც "პარნასის" მიერ ბესტსელერად იქნა დასახელებული, იგი ავტორმა 12-13 წლისამ დაწერა. ამ ასაკში წიგნის გამოქვეყნების პრეცედენტი სამყაროში რამდენიმე ათეულჯერ ფიქსირდება, ხოლო ამ ასაკში და ამხელა მოცულობის პუბლიკაციის გამოცემას ანალოგი არ გააჩნია – რის გამოც ერეკლე ბეჟუაშვილის წიგნმა განსაკუთრებული ყურადღება დაიმსახურა); მისი ლექსები და მოთხრობები დაბეჭდილია საქართველოს მწერალთა შემოქმედებითი კავშირის გაზეთში - "მწერლის გაზეთი", პირველი წიგნის ნაწყვეტები ჟურნალ "აფინაჟში", ლექსები და მოთხრობები - "ლიტერატურულ საქართველოში" და ა. შ. (რამდენიმე ლექსი შესულია სხვა კრებულებშიც: "წინანდალი, პოეზია და არამარტო...", "დავიღლები საქართველოს სიყვარულში", "პოეტები საქართველოსი" (მერვე ტომი)...); ერეკლე ბეჟუაშვილის ლექსები წითელ ფონდსა და ეროვნულ საგანძურშია დაცული; თანამშრომლობს მეცნიერებათა აკადემიასა და მწერალთა სახლთანაც; არის საფორტეპიანო კონკურსის გამარჯვებული და პირველ ადგილოსანი თბილისი-თელავი-გორის მასშტაბით. ხშირად გამოდის ტელევიზიით, სადაც მისი საუბრის ძირითადი თემები ისტორია, ლიტერატურა და რელიგიაა.

• აზროვნების კლუბი, დამფუძნებელი, სამეცნიერო ხელმძღვანელი (2024-)
• გურამ შარაძის საზოგადოება, წევრი
• ქეთევან დედოფლის საზოგადოება, წევრი

• 2025 - ლიტერატურული ფესტივალ "ქუჯის" პრემია, წლის საუკეთესო დებიუტი, პროზა
• ლადო ასათიანის სახელობის პრემია (მეორე ადგილის მფლობელი და ნომინანტი)

• ტიბეტური საგანძური : რომანი (ავტორი). - თბილისი, 2024. - 420გვ.. - ISBN: 9789941867101