ნინა გაბუნია

დაბადების ადგილი: ქ. ფოთი.

დაამთავრა ქ. მოსკოვის საფეიქრო ინსტიტუტის ეკონომიკის ფაკულტეტი.

ინსტიტუტის დამთავრების შემდეგ მუშაობა დაიწყო გორის ბამბეულის ქსოვილების კომბინატში. ხელმძღვანელობდა კომბინატის კომკავშირის კომიტეტს. ამ პერიოდში გორში გაიხსნა და ამოქმედდა საწარმოო პროცესების ავტომატიზაციის კვლევით-სამეცნიერო ინსტიტუტი "ნიიავტომატპრომი". კვლევით ინსტიტუტში მან იმუშავა სხვადასხვა თანამდებობაზე, მათ შორის, საგეგმო განყოფილების უფროსად. იყო თანაავტორი და თანამონაწილე რაციონალიზატორული წინადადებების, გამოგონების და სამეცნიერო სტატიების. კარგი მუშაობისათვის მიღებული ჰქონდა პრემიები და დირექციის მადლობები.

წყარო: ხსოვნის წიგნი. ნაწილი 7/ვახტანგ ჭანკოტაძე. -თბ., 2020.-გვ.10-12