ნატალია მესხი

დაიბადა სამხედრო პირის, პეტრე მესხის ოჯახში. სწავლობდა ქალთა I გიმნაზიაში, სწავლას ავადმყოფობის გამო  პირველი კლასიდანვე თავი დაანება. სცენაზე პირველად გამოვიდა 1884 წელს ქუთაისში, შეასრულა ანგელოზი როლი ("დემონი"), ქუთაისში თეატრის დაწვამდე, 1894 მოღვაწეობდა. ამის შემდეგ თბილისის, ბაქოსა და სხვა სცენებზე გამოდიოდა. შესრულებული აქვს შემდეგი როლები: ტოზეტის ქვრივი ("დენიზა"), კატარინა ("ჭირვეულის მორჯულება"), ჰერტრუდა ("ჰამლეტი"), ნუცა ("აღლუმი"), ნანინ ("მარგარიტა გოტიე"), ლიზა ("ვაი ჭკუისაგან") და სხვ. სცენას ჩამოშორდა 1922 წელს. იყო პერსონალური პენსიონერი.

წყარო: ქართველ მოღვაწეთა ლექსიკონი, 1801-1952: ტ. III მ-რ / იოსებ იმედაშვილი.-თბ.,2021.-გვ.266-267