გურამ კუციავა

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი 1973 წელს.

1976 წლიდან მუშაობდა საქართველოს რადიოს ინფორმაციის მთავარი რედაქციის რესპუბლიკური ცნობების რედაქტორად; 1977-1978წწ. იყო რადიოს გაცვლითი პროგრამების მთავარი რედაქციის რედაქტორი; 1978-1986წწ. რადიოს ინფორმაციის მთავარი რედაქციის უფროსი რედაქტორი, იქვე მთავარი რედაქტორის მოადგილე; 1985-1991წწ. საქინფორმის დირექტორის მოადგილე, პასუხისმგებელი მდივანი, გაზეთ "კვირაძალის" პასუხისმგებელი მდივანი; 1992-1995წწ. საქართველოს ტელევიზიისა და რადიოს გაცვლითი ტელერადიო პროგრამების მთავარი რედაქტორი; საქართველოს ტელერადიოკორპორაციის საერთაშორისო ურთიერთობის დირექციის დირექტორი; 1999 წლიდან საქტელერადიოკორპორაციის პროდიუსერი. 1995 წლიდან იყო აქტუალური სატელევიზიო ინტერვიუების ავტორი და წამყვანი. საქართველოს ტელევიზიასა და რადიოში მუშაობის დროს არაერთხელ იყო დასახელებული საუკეთესო ჟურნალისტად.

წყარო: ნახევარი საუკუნე თეთრ ტაძარში : შტრიხები ჟურნალისტიკის ფაკ. მატიანისათვის / იზოლდა ხაინდრავა.-თბ.,2005.-გვ.228

• საქართველოს ჟურნალისტთა ფედერაცია, წევრი (1980-)

• 1996 - ღირსების მედალი