შოთა რეხვიაშვილი

დაბადების ადგილი: სოფელი ურავი, ამბროლაურის რაიონი.

დაამთავრა თბილისის ცეკავშირის სავაჭრო ტექნიკუმი.

მუშაობდა რევიზორად ჯერ ამბროლაურის რაიონში, ხოლო შემდეგ სოხუმში. სავალდებულო სამხედრო სამსახურის (მიიღო ოფიცრის წოდება) მოხდის შემდეგ დაბრუნდა გუდაუთაში, 1989-1992 წლებში მუშაობდა გუდაუთის "კურორტვაჭრობაში". აფხაზეთში მიმდინარე საომარი მოქმედებების დროს ჩაირიცხა №2 საბრძოლო ბატალიონში, თან ბატალიონში შექმნილ საფინანსო განყოფილებასაც ხელმძღვანელობდა. შოთა რეხვიაშვილი ყოველთვის ბრძოლის შუაგულში ტრიალებდა, ბრძოლის ველიდან გამოჰყავდა დაჭრილები, ახერხებდა ტყვეების გაცვლასა და გამოყვანას. სოხუმში ბატალიონში ყოფნის დროს კაპიტნობა მიიღო. დაიღუპა 1993 წლის 16 თებერვალს. საქართველოს ტერიტორიული მთლიანობისათვის მებრძოლი აფხაზეთის ომში.

წყარო: უკვდავება : საქართველოს ტერიტორ. მთლიანობისათვის აფხაზეთსა და შიდა ქართლში დაღუპულ მეომართა ბიოგრაფიები. ნაწილი 1-თბ.,1996.-გვ.359-360

• მედალი "მხედრული მამაცობისთვის" (გარდაცვალების შემდეგ)