კარლო ლუარსაბიშვილი

დაბადების ადგილი: ქ. თელავი.

დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი 1955 წელს; მოსკოვის უმაღლესი პარტსკოლა პრესის, რადიოს და ტელევიზიის განხრით 1969 წელს.

1958-1964წწ. იყო კომკავშირულ სამუშაოზე; საქართველოს ტელევიზიის საბავშვო გადაცემათა რედაქციაში უფროს რედაქტორად, სტუდია "პუბლიცისტის" მთავარი რედაქციის განყოფილების გამგედ, მთავარი რედაქტორის მოადგილედ, სატელევიზიო პროგრამა "მრეწველობის" რედაქტორად; 1964 წლიდან ხელმძღვანელობდა პროგრამას "ეკოლოგიური ქრონიკა". არის მრავალი სატელევიზიო გადაცემის ავტორი: "საპოვნელა", "შრომა და დასვენება", "ორიონი", "მოქალაქე, საზოგადოება, კანონი", "ბრაკონიერები", "ეკოლოგიური ქრონიკა", "გადავარჩინოთ იმისათვის, რომ გადავრჩეთ", "პური ჩვენი არსობისა", "ტყე ეროვნული საუნჯეა", "რა გზით ვიაროთ" და სხვ. თანამშრომლობდა რესპუბლიკის ჟურნალ–გაზეთებში.

წყარო: ნახევარი საუკუნე თეთრ ტაძარში : შტრიხები ჟურნალისტიკის ფაკ. მატიანისათვის / იზოლდა ხაინდრავა.-თბ.,2005.-გვ.230; სიმართლისათვის ხმალამოღებული / მარადი ანასაშვილი // საქართველოს რესპუბლიკა. - თბილისი, 2001. - 28 იანვარი. - N22 (3763). -11გვ.

• საქართველოს ჟურნალისტთა ფედერაცია, წევრი (1967-)