ნათელა ერგემლიძე

დაბადების ადგილი: ქ. ქობულეთი.

დაამთავრა ქუთაისის აკაკი წერეთლის სახელობის პედაგოგიური ინსტიტუტის საბუნებისმეტყველო ფაკულტეტი 1965 წელს; ქ. თბილისის ექიმთა დახელოვნების სახელმწიფო ინსტიტუტის კლინიკური ლაბორატორიის დიაგნოსტიკის ციკლი და მიიღო ექიმი-ლაბორანტის კვალიფიკაცია 1969 წელს.

1968-1972წწ. მუშაობდა ქობულეთის რაიონის დაბა ჩაქვის საავადმყოფო-კლინიკური გაერთიანების კლინიკური ლაბორატორიის გამგედ; ხუთ წელიწადში ერთხელ იმაღლებდა კვალიფიკაციას ჰემატოლოგიური კვლევის მეთოდების შესწავლის მიზნით; 1971-1972წწ. გაიარა სტაჟირება ქ. თბილისის რესპუბლიკური ცენტრალური ლაბორატორიის ბაზაზე , მოგვიანებით დაინიშნა თბილისის მეათე მოზრდილთა პოლიკლინიკის ექიმ-ლაბორანტად და კლინიკო-დიაგნოსტიკური ლაბორატორიის გამგედ (1972), სადაც მუშაობდა 35 წელი; იყო თბილისის საქარხნო რაიონის უფროსი სპეციალისტი. მისი თაოსნობით 3 კაციანი ლაბორატორია 15 კაციანი მაღალკვალიფიციური კადრით დააკომპლექტა და დროისათვის შესაფერისი სათანადო ტექნიკით აღჭურვილ სადიაგნოსტიკო და სამკურნალო დაწესებულებად აქცია; იგი წლების მანძილზე იყო თბილისის სახელმწიფო სამედიცინო ინსტიტუტის მედიცინის ისტორიის კათედრისა და სამედიცინო ეთნოგრაფიის განყოფილების მიერ საქართველოში მოწყობილი ქართული ხალხური მედიცინის ნიმუშებისა და სამედიცინო ფოლკლორული მასალების შემგროვებელი ექსპედიციების აქტიური წევრი; ეს ნიმუშები ინახება რესპუბლიკის ქართული მედიცინის ისტორიის მუზეუმში; დაჯილდოებულია საქართველოსა და საკავშირო სიგელებითა და მადლობებით. ექიმი-ლაბორანტი, ლაბორატორიული საქმის საუკეთესო მცოდნე და ორგანიზატორი.

წყარო: საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.526-529

• საქართველოს ექიმ-ლაბორანტთა საზოგადოება, წევრი