გალინა რუხაძე

დაბადების ადგილი: ქ. თბილისი. 

დაამთავრა თბილისის მე-3 სამედიცინო სასწავლებლის მეანობა-გინეკოლოგიის ფაკულტეტის მედდა-მეანის პროფილით 1945 წელს. 

1945-1946 წლებში მუშაობდა თბილისის ცენტრალური რესპუბლიკური ჰოსპიტლის ფიზიო კაბინეტის მედდა; 1959-2004 წლებში რესპუბლიკური ცენტრალური კლინიკური საავადმყოფოს მთავარი მედდა; კვალიფიკაციას იმაღლებდა საქართველოს ჯანდაცვის სამინისტროს საშუალო სამედიცინო პერსონალის კვალიფიკაციის ამაღლების ცენტრალურ სკოლაში: მედდები-პედაგოგების სპეციალიზაციით (1971); ქირურგიულ განყოფილებაში მომუშავე მედდების სპეციალიზაციით (1973); ლიდერი ექთნის ზოგადი კურსი; საავადმყოფოს უფროსი მედდა (1982, 1987). მისი ინიციატივით დამკვიდრდა მედდების სამეცნიერო კონფერენციების ჩატარების პრაქტიკა. მიღებული აქვს ჯილდოები და მადლობები. იგი წლების განმავლობაში ხელმძღვანელობდა საქართველოში ჯანმრთელობის დაცვის ერთ-ერთი ცენტრალური დაწესებულების საშუალო მედპერსონალს: დიდი სამამულო ომის დროს დაჭრილთა მოვლა-მკურნალობას, ხოლო შემდეგ ომით დანგრეული ქვეყნის აღმშენებლობის მუშაკთა მკურნალობის სამსახურს. მინიჭებული ქონდა პირველი კატეგორიის მედდის წოდება (1989).

წყარო: საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.534-536

• კლინიკის სამედიცინო საბჭო, წევრი