ივანე მინდიაშვილი

დაბადების ადგილი: ქ. თბილისი.

დაამთავრა ფონ-შრენნერის საბუღალტრო კურსები თბილისში.

მონაწილეობდა სცენისმოყვარულთა თვითშემოქმედებით წრეში. სცენაზე გამოვიდა 1906 წელს "რენესანსის"თეატრში, სპექტაკლში "პატარა კახი", შეასრულა გივის როლი. 1928-1950 წლებში მუშაობდა თბილისის სხვადასხვა უბნისა და პროვინციის თეატრში, უმთავრესად, სახალხო სახლის სცენისმოყვარულთა წრეში და კლუბებში. შესრულებული აქვს შემდეგი როლები: ოტია ("და-ძმა"), მაზუთიანი და ციმბირელი ("ციმბირელი"), დონ-კიხოტი ("დონ-კიხოტი"), მიკიჩა ("ხანუმა"), მაქსიმილიანე ფონ-მოორი ("ყაჩაღები"), მამასახლისი ("მსხვერპლი"), ბოს ("იმედის დაღუპვა"), საღათელა და ანდრიას ელიზბარიანი ("ნამუსისასთვის"), გარსევან ("არსენა") და სხვ. კოტე მარჯანიშვილის მიერ დადგმულ პირველ კინოსურათში შეასრულა მაზუთიანის როლი, "პარიზის კომუნაში" ეპიზოდური როლი და სხვ. თარგმნა "60 წლის მოხუცი", გადმოაკეთა "თეთრი ღენერალი", რომლებიც ხშირად იდგმებოდა თბილისის მუშათა თეატრებში. ერთხანს სახალხო სახლის გამგეობის წევრადაც მუშაობდა. რეზონიორი (ძველებური რომანის ან პიესის პერსონაჟი, რომლის პირითაც ავტორი გამოთქვამს თავის შეხედულებებს ნაწარმოებში აღწერილი ამბების შესახებ და იძლევა დანარჩენი მოქმედი პირების მორალურ დახასიათებას), სახალხო თეატრის მოღვაწე.

წყარო: ქართველ მოღვაწეთა ლექსიკონი, 1801-1952: ტ. III მ-რ / იოსებ იმედაშვილი.-თბ.,2021.-გვ.304-305