არჩილ ბაქრაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის გამოთვლითი ტექნიკისა და ავტომატიკის ფაკულტეტი 1959 წელს.

ინსტიტუტის დამთავრების შემდეგ მუშაობა დაიწყო საკავშირო სამინისტროს ავტომატიზაციის საშუალებათა ცნობილ სამეცნიერო-კვლევით ინსტიტუტში. ამ ინსტიტუტში მაღალი დონის სამეცნიერო-კელევითი და საინჟინრო-ტექნოლოგიურ-საწარმოო ამოცანები წყდებოდა. ორი წლის შემდეგ ჩააბარა თბილისის სახელმწიფო უნივერსიტეტის მიერ გამოცხადებულ ასპირანტურაში ლოგიკის განხრით. ასპირანტურის დამთავრების შემდეგ მუშაობა დაიწყო საქართველოს მეცნიერებათა ეროვნული აკადემიის ფილოსოფიის სამეცნიერო-კვლევით ინსტიტუტში, სადაც დაიცვა საკანდიდატო დისერტაცია. გამოსცა რამდენიმე მეტად საყურადღებო ნაშრომი. 

წყარო: საქართველო ინფორმატიზაციის სათავეებთან/იდეის ავტორები: ივ. გორგიძე, ალ. გრიგოლიშვილი, ნ. იაშვილი; სარედაქციო კოლეგია: ა. ფრანგიშვილი, ბ. აბდუშელიშვილი, მ. ახობაძე [და სხვ.]. -თბ., 2017.-გვ.242-243