გიორგი ბერძენიშვილი

დაბადების ადგილი: ჩოხატაურის რაიონი.

დაამთავრა სატყეო ტექნიკური ინსტიტუტი 1934 წელს.

თბილისის მანქანათმშენებელ ქარხანაში მუშაობდა სხვადასხვა თანამდებობაზე: ნორმადარი, საამქროს უფროსი, პარტკომის მდივანი. ქარხნის დირექტორის მოადგილე, 1948-1956წწ. - ამავე ქარხნის დირექტორი. მეორე მსოფლიო ომის დაწყების შემდეგ დაინიშნა ქარხნის კომისრად. 1942 წლიდან აქტიურად მონაწილეობდა როგორც საბრძოლო ოპერაციებში, ისე საფორტიპიკაციო აღმშენებლობაში. ომის დამთავრების შემდეგ დაბრუნდა ქარხანაში. 1956 წელს ხელისუფლებამ დაავალა "ცარიელ ადგილზე" დაეფუძნებინა და აემოქმედებინა საწარმოო პროცესების ავტომატიზაციის სამეცნიერო-კვლევითი ინსტიტუტი "ავტომატმრეწვი". 1956-1958წწ. მისი ხელმძღეანელობით შეიქმნა ინსტიტუტის სტრუქტურა და მასში შემავალი სამსახურები: ლაბორატორიები, განყოფილებები, სექტორები, საპროექტო და საკონსტრუქტორო ბიუროები, საცდელი საამქრო, ტრანსპორტის ავტოპარკი. აშენდა ინსტიტუტის ცენტრალური სამსართულიანი კორპუსი ცხინვალის გზატკეცილზე და სამი საცხოვრებელი კორპუსი, სპეციალისტთა დიდი ჯგუფი გაიგზავნა მოსკოვში კვალიფიკაციის ასამაღლებელ კურსებზე, გორში გაიხსნა საქართველოს პოლიტექნიკური ინსტიტუტის ფილიალი ავტომატიკისა და ტელემექანიკის ფაკულტეტით სპეციალისტების მოსამზადებლად და მრავალი სხვა. მას დიდი ღვაწლი მიუძღვის გორის სამეცნიერო-ტექნიკური ცენტრის შექმნისა და ტექნიკური ინტელიგენციის ფენის ჩამოყალიბებაში. 1961 წლიდან სამუშაოდ გადაიყვანეს საქართველოს ხე-ტყისა და ხის დამმუშავებელი მრეწველობის მინისტრის მოადგილედ, სადაც სიცოცხლის ბოლომდე იმუშავა. 

წყარო: საქართველო ინფორმატიზაციის სათავეებთან/იდეის ავტორები: ივ. გორგიძე, ალ. გრიგოლიშვილი, ნ. იაშვილი; სარედაქციო კოლეგია: ა. ფრანგიშვილი, ბ. აბდუშელიშვილი, მ. ახობაძე [და სხვ.]. -თბ., 2017.-გვ.244