ომარ გაბედავა

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ავტომატიკისა და გამოთვლითი ტექნიკის ფაკულტეტი 1971 წელს "ელექტრონული გამომთვლელი მანქანების" სპეციალობით და ინჟინერელეკტრიკოსოს კვალიფიკაციით.

მაღალკვალიფიციური პრაქტიკოსი მეცნიერი ავტომატიზაციის ტექნიკური მოწყობილობების სფეროში. 1973 წლიდან მუშაობდა "მართვის ავტომატიზებული სისტემების" კათედრაზე. იყო "მართვის ავტომატიზებული სისტემების ტექნიკური უზრუნველყოფის" ლაბორატორიის გამგე, ასისტენტი, დოცენტი და პროფესორი. 1993-2006წწ. შეთავსებით მუშაობდა საქართველოს ტექნიკური უნივერსიტეტის სპეციალიზებული ფაკულტეტის დეკანის თანამდებობაზე. თავის ცხოვრება დაუკავშირა ახალგაზრდობის განათლებისა და კვალიფიკაციის ამაღლებას, ავტომატიზებული სისტემების სრულყოფას, ტექნიკისა და ტექნოლოგიების ახალ მეცნიერულ მიღწევებსა და დანერგვის საკითხებს. აქტიურად მონაწილეობდა საერთაშორისო სიმპოზიუმებსა და კონფერენციებში. იყო არაერთი წარმატებული დოქტორანტის და მაგისტრანტის სამეცნიერო ხელმძღვანელი. დიდია მისი დამსახურება, როგორც ინჟინრისა და პედაგოგის. ტექნიკის მეცნიერებათა კანდიდატი ინფორმატიკაში, საქართველოს ტექნიკური უნივერსიტეტის პროფესორი, საქართველოს ტექნიკური უნივერსიტეტის "მართვის ავტომატიზებული სისტემების" კათედრის ლაბორატორიის გამგე, დისციპლინების "კომპიუტერის არქიტექტურა", "ოპერაციული სისტემები", "სერვერული და მულტიმედიური ტექნოლოგიები" წამყვანი პროფესორი. რვა სახელმძღვანელოსა და 50–ზე მეტი სამეცნიერო სტატიის ავტორი. მართვის ავტომატიზებული სისტემების კათედრის თანამშრომელი 1973 წლიდან, მისი მატერიალური პასუხისმგებლი პირი და საპატიო წევრი. 

საკანდიდატო დისერტაციის თემა - "ანოდირებული ფირფიტების წარმოებისათვის მანიპულატორების მართვის ავტომატიზებული სისტემა", დაიცვა 1993 წელს. 

წყარო: საქართველო ინფორმატიზაციის სათავეებთან/იდეის ავტორები: ივ. გორგიძე, ალ. გრიგოლიშვილი, ნ. იაშვილი; სარედაქციო კოლეგია: ა. ფრანგიშვილი, ბ. აბდუშელიშვილი, მ. ახობაძე [და სხვ.]. -თბ., 2017.-გვ.249; საქართველოს ტექნიკური უნივერსიტეტი: gtu.ge

• სერვერული ტექნოლოგიები : სახელმძღვ. (თანაავტორი). - თბილისი, ტექნ. უნ-ტი, 2012. - 254გვ.. - ISBN: 9789941200465
• მართვის ავტომატიზებული სისტემების ფუნქციონალური ქვესისტემები (თანაავტორი) // ნაწ. 2. - თბილისი, ტექნ. უნ-ტი, 2009. - 101გვ.. - ISBN: 9789941146695
• ლაბორატორიული პრაქტიკუმი კომპიუტერის არქიტექტურაში (ავტორი). - თბილისი, ტექნ. უნ-ტი, 2009. - 89გვ. . - ISBN: 9789941146688
• კომპიუტერის ორგანიზაცია და არქიტექტურა : ოპერაციული სისტემები : სახელმძღვ. ინფორმატიკის სპეც. სტუდ. (ავტორი). - თბილისი, ტექნ. უნ-ტი, 2009. - 136გვ. . - ISBN: 9789941146671
• მართვის ავტომატიზებული სისტემების ფუნქციონალური ქვესისტემები (თანაავტორი) // ნაწ. 1. - თბილისი, ტექნ. უნ-ტი, 2009. - 81გვ.. - ISBN: 9789941145681
• კომპიუტერის არქიტექტურა (ავტორი). - თბილისი, ტექნ. უნ-ტი, 2008. - 213გვ.. - ISBN: 9789941141928
• ანოდირებული ფირფიტების წარმოებისათვის მანიპულატორების მართვის ავტომატიზებული სისტემა : მონოგრაფია (ავტორი). - თბილისი, ტექნ. უნ-ტი, 2008. - 85გვ. . - ISBN: 9789941140648