ბეჟან გონჯილაშვილი

დაბადების ადგილი: ქ. თბილისი.

სკოლის დამთავრების შემდეგ მსახურობდა შავი ზღვის ფლოტში; დაამთავრა საქართველოს პოლიტექნიკური ინსტიტუტის ავტომატიკის და ტელემექანიკის ფაკულტეტი 1964 წელს და მიენიჭა ინჟინერ-ელექტრიკოსის კეალიფიკაცია.

ინსტიტუტის დამთავრების შემდეგ მუშაობა დაიწყო თბილისის სამეცნიერო-საწარმოო გაერთიანება "ელვაში", 1968 წლიდან – ჯანმრთელობის დაცვის სისტემაში ჯერ ექსპერიმენტული და კლინიკური ქირურგიის სამეცნიერო-კვლევითი ინსტიტუტის სამედიცინო კიბერნეტიკის განყოფილებაში, შემდეგ – ჯანდაცვის სამინისტროსთან არსებული მე-4 მთავარი სამმართველოს ცენტრალურ სამეცნიერო-კვლევით ლაბორატორიაში განყოფილების გამგედ; 1989 წლიდან - ჯანდაცვის სამინისტროს ინფორმატიკისა და ჯანდაცვის კომპლექსური ავტომატიზაციის სამეცნიერო-კვლევითი ინსტიტუტის დირექტორის მოადგილე სამეცნიერო დარგში; 1994 წლიდან გარდაცვალებამდე – საქართველოს ჯანმრთელობის დაცვის მართვის ნაციონალურ ცენტრში მთავარი მეცნიერ-თანამშრომელი. 1973 წელს წარმატებით დაიცვა საკანდიდატო დისერტაცია ბიოლოგიურ მეცნიერებათა კანდიდატის ხარისხის მოსაპოვებლად; 1988 წელს - ქ. კიევში სადოქტორო დისერტაცია ბიოლოგიურ მეცნიერებათა დოქტორის ხარისხის მოსაპოვებლად. 1992 წელს მიენიჭა პროფესორის წოდება. 100-სე მეტი სამეცნიერო ნაშრომის ავტორი, მათ შორის ერთი სახელმძღვანელოსი. წლების განმავლობაში კითხულობდა ლექციებს საქართველოს ტექნიკურ უნივერსიტეტსა და თბილისის სახელმწიფო სამედიცინო უნივერსიტეტში. 

წყარო: საქართველო ინფორმატიზაციის სათავეებთან/იდეის ავტორები: ივ. გორგიძე, ალ. გრიგოლიშვილი, ნ. იაშვილი; სარედაქციო კოლეგია: ა. ფრანგიშვილი, ბ. აბდუშელიშვილი, მ. ახობაძე [და სხვ.]. -თბ., 2017.-გვ.254

• უკრაინის ინფორმატიკის მეცნიერებათა აკადემია, ნამდვილი წევრი (1992-)

• ბიოლოგიური და სამედიცინო სისტემების მათემატიკური მოდელირება : ლაბორატ. და პრაქტ. სამუშაოები (ავტორი). - თბილისი, ტექნ. უნ-ტის გამ-ბა, 1996. - 26გვ.
• ინფორმატიკა მედიცინასა და ბიოლოგიაში (ავტორი). - თბილისი, ბიომედგამი, 1993. - 184გვ.