ნუგზარ ნაცვლიშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი 1978 წელს; თბილისის სახელმწიფო უნივერსიტეტის ასპირანტურა ტელეჟურნალისტიკის სპეციალობით 1987 წელს; თბილისის სახელმწიფო უნივერსიტეტის დოქტურანტურა ტელეჟურნალისტიკის სპეციალობით 2012 წელს.

1978-1985წწ. საქართველოს ტელერადიო კომიტეტი, ტელევიზიის სამეცნიერო-პოპულარული, ხოლო შემდეგ საინფორმაციო მთავარი რედაქციების რედაქტორი, რედაქტორულ საქმიანობასთან ერთად არაერთი გადაცემისა და სიუჟეტის ავტორი; 1987-2007წწ. ივანე ჯავახიშვილის სახელობის თბილისის სახელმწიფო უნივერსიტეტი, ტელერადიოჟურნალისტიკის კათედრა, მეცნიერი თანამშრომელი, მასწავლებელი, ასისტენტ-პროფესორი; 1994-1996წწ. პედაგოგიური საქმიანობის პარალელურად ხელმძღვანელობდა ტელეკომპანია "ტაოს" შემოქმედებით ჯგუფს, სადაც ამზადებდა საავტორო ტელეგადაცემებს; 2001-2007წწ. იყო თსუ-ის სტუდენტურ-შემოქმედებითი ჯგუფის ხელმძღვანელი, რომლის მიერ მომზადებული ყოველკვირეული პუბლიცისტური პროგრამა "საწინდარი" გადაიცემოდა საქართველოს ტელევიზიის I არხზე; 2006-2007წწ. მასობრივი კომუნიკაციების ინსტიტუტი, ჟურნალისტიკის მიმართულების ხელმძღვანელი; 2009-2012წწ. მარკეტინგული და მედია კომუნიკაციების ინსტიტუტი, ასისტენტ-პროფესორი; წლების მანძილზე, სხვადასხვა უმაღლეს სასწავლებელში, უძღვებოდა საბაკალავრო და სამაგისტრო კურსებს: ტელეჟურნალისტიკის საფუძვლები; რადიოჟურნალისტიკის საფუძვლები; სატელევიზიო პროგრამების ორგანიზაცია და ტექნოლოგია; ტელე-რადიოჟურნალისტის ოსტატობა; საზღვარგარეთის ტელევიზია და რადიო; სატელევიზიო გადაცემების მომზადება; რადიოგადაცემების მომზადება; რეკლამა მედიაში; სარეკლამო ვიდეორგოლების მომზადება; სამაუწყებლო მედია; სატელევიზიო რეჟისურის საფუძვლები; ტელევიზიის ადგილი მასობრივი კომუნიკაციის საშუალებათა სისტემაში; გამოქვეყნებული აქვს სამეცნიერო ნაშრომები ტელეჟურნალისტიკის სფეროში; რეგულარულად ხელმძღვანელობდა საბაკალავრო ნაშრომებს, ასევე მონაწილეობდა სასწავლო-სამეცნიერო კონფერენციებში; 2003 წელს გახდა თბილისის საკრებულოს, მერიის და საქართველოს საზოგადოებასთან ურთიერთობის განვითარების ინსტიტუტის მიერ ორგანიზებული ჟურნალისტთა წლის კონკურსის "დედაქალაქი",  ნომინაციაში "სატელევიზიო გადაცემა" გამარჯვებული; არის დოკუმენტური ფილმის "გუდაური" ტექსტის ავტორი (1997); 1998 წელს გაიმარჯვა მსოფლიო ჯანდაცვის ორგანიზაციის მიერ ჩატარებული სოციალური რეკლამის ტენდერში. კავკასიის საერთაშორისო უნივერსიტეტის ასოცირებული პროფესორი (2009); ივანე ჯავახიშვილის სახელობის თბილისის სახელმწიფო უნივერსიტეტი, მოწვეული პედაგოგი (2007); საქართველოს ტექნიკური უნივერსიტეტი, უფროსი მასწავლებელი (2002); საქართველოს დავით აღმაშენებლის სახელობის უნივერსიტეტი, მოწვეული პედაგოგი (2006); გრიგოლ რობაქიძის სახელობის უნივერსიტეტი, მოწვეული პედაგოგი (1997).

წყარო: ნახევარი საუკუნე თეთრ ტაძარში : შტრიხები ჟურნალისტიკის ფაკ. მატიანისათვის / იზოლდა ხაინდრავა.-თბ.,2005.-გვ.236; old-static.1tv.ge