ლაზარე სინაურიძე

დაბადების ადგილი: ქ. ქუთაისი.

დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი 1974 წელს; ფილოსოფიისა და ესთეტიკის სასწავლო კურსი; საქართველოს წმინდა სამების საკათედრო ტაძართან არსებული სამრევლო სკოლა საღმრთო ლიტურგიის განხრით.

1975-1976წწ. იყო თბილისის ბორის ძნელაძის სახელობის რესპუბლიკური სასახლის მეთოდ-განყოფილების მეთოდისტი და საგამომცემლო ჯგუფის უფროსი; ამ წლების განმავლობაში პარალელურად თანამშრომლობდა სხვადასხვა მედია საშუალებებთან; 1976-1980წწ. საქართველოს განათლების სამინისტროს იდეურ-ზნეობრივი აღზრდის რესპუბლიკურ სამეცნიერო-მეთოდური კაბინეტის საგამომცემლო ჯგუფის მთავარი რედაქტორი და უფროსი; 1980-1981წწ. საქართველოს განათლების სამინისტროს აღმზრდელობითი მუშაობის რესპუბლიკური სამეცნიერო-მეთოდური ცენტრის საგამომცემლო განყოფილების გამგე; 1981-1982წწ. საქართველოს ტელევიზიისა და რადიომაუწყებლობის სახელმწიფო კომიტეტის რადიოს ახალგაზრდულ გადაცემათა მთავარი რედაქციის ახალგაზრდული პროგრამების განყოფილების გამგე; 1982-1984წწ. საქართველოს ტელევიზიისა და რადიომაუწყებლობის სახელმწიფო კომიტეტის ტელევიზიისა და რადიოს ახალგაზრდულ გადაცემათა გაერთიანებული რედაქციის მთავარი რედაქტორის მოადგილე; 1984-1991წწ. საქართველოს ტელევიზიისა და რადიომაუწყებლობის სახელმწიფო კომიტეტის ტელევიზიის ინფორმაციის მთავარი რედაქციის (მთავარი საინფორმაციო პროგრამების "მოამბე", "ვესტნიკი", "ახალი ამბები", "ნაშუადღევს") მთავარი რედაქტორის მოადგილე; 1991-1996წწ. საქართველოს ტელევიზიისა და რადიომაუწყებლობის სახელმწიფო კომიტეტი (საქტელემაუწყებლობის კორპორაცია), ტელევიზიის ინფორმაციის მთავარი რედაქციის სპეციალური კორესპონდენტი, აგრეთვე, ავტორი და წამყვანი ტელეგადაცემებისა: "სახელმწიფო საბჭოს დღიური", "პარლამენტის დღიური", "პარლამენტის საათი"; მისი ავტორობით და ხელმძღვანელობით მომზადდა ტელემატიანე "ჟამი შენებისა"; 1996-1999წწ. საქტელემაუწყებლობის კორპორაცია, სატელევიზიო-საინფორმაციო სააგენტოს ინფორმაციის მთავარი რედაქციის მთავარი რედაქტორის მოადგილე და პოლიტიკის განყოფილების გამგე; 1998-2004წწ. საქტელემაუწყებლობის (საზოგადოებრივი მაუწყებელი), დილის საინფორმაციო-გასართობი პროგრამის "ალიონი", რუბრიკების "საეკლესიო კალენდარი", "ჩვენი სარწმუნოება" და "სახარების განმარტება" ავტორი და წამყვანი; 1999-2004 წწ. საქტელემაუწყებლობის (საზოგადოებრივი მაუწყებელი) ტელევიზიის საერთაშორისო პროგრამების მთავარი რედაქციის პასუხისმგებელი კოორდინატორი; 2006-2007წწ. საზოგადოებრივი ჟურნალი "ივერიელნის" რედკოლეგიის წევრი და მთავარი რედაქტორი; 2007-2022წწ.  "პალიტრა მედიას" მართლმადიდებლური ჟურნალი "კარიბჭე"-ს კორესპონდენტი.

წყარო: ნახევარი საუკუნე თეთრ ტაძარში : შტრიხები ჟურნალისტიკის ფაკ. მატიანისათვის / იზოლდა ხაინდრავა.-თბ.,2005.-გვ.240; "პალიტრა მედიას" მართლმადიდებლური ჟურნალი "კარიბჭე": karibche.ge

• საქართველოს დამოუკიდებელ ჟურნალისტთა ფედერაცია, წევრი (1993-)
• საქართველოს ჟურნალისტთა ფედერაცია, წევრი (1990-)

• მშვენიერების მსახური (ავტორი). - თბილისი, საქ. კპ ცკ-ის გამ. სტ., 1980. - 19გვ.