იოსებ შენგელია

დაბადების ადგილი: სოფელი დიხაშხო, ვანის რაიონი.

დაამთავრა თბილისის სახელმწიფო სამედიცინო ინსტიტუტის ფარმაქიმიის ფაკულტეტი 1935 წელს; თბილისის სახელმწიფო სამედიცინო ინსტიტუტის სანიტარულ-ჰიგიენური ფაკულტეტი 1940 წელს.

1936-1942წწ. მუშაობდა თბილისის ექიმთა დახელოვნების ინსტიტუტის ჰიგიენის კათედრის ლაბორანტად; 1942-1952წწ. ასისტენტად; იმავდროულად 1941-1947წწ. იყო სანიტარიისა და ჰიგიენის სამეცნიერო-კვლევითი ინსტიტუტის დირექტორად; 1949-1952წწ. ჯანდაცვის სამინისტროს სანიტარულ-ეპიდსამსახურის მთავარ ექიმად; თბილისის სახელმწიფო სამედიცინო ინსტიტუტის ზოგადი ჰიგიენის კათედრის დოცენტი. იმავდროულად 1962-1964წწ. ხელმძღვანელობდა თბილისის სახელმწიფო სამედიცინო ინსტიტუტის კომუნალური ჰიგიენის კურსს, ზოგადი ჰიგიენის კათედრის დოცენტი, კათედრის პროფესორი (1964-1975); 1975-1986წწ. ამავე ინსტიტუტის კომუნალური ჰიგიენისა და რადიაციული ჰიგიენის კათედრის გამგე, 1986-1989წწ. კათედრის კონსულტანტი. მრავალ შრომათა შორის ჰქონდა 4 მონოგრაფია, ასევე სახელმძღვანელოები კომუნალურ (1974, 1980) და ბავშვთა და მოზარდთა ჰიგიენაში (1982). ექიმი ჰიგიენისტი, მედიცინის მეცნიერებათა დოქტორი (1964).

წყარო: საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.626-627

• კომუნალური ჰიგიენა : სახელმძღვ. სამედ. ინ-ტის სანიტარია - ჰიგიენის ფაკ-ტის სტუდენტებისათვის (ავტორი). - თბილისი, განათლება, 1988. - 518გვ.
• ატმოსფერული ჰაერის გამოკვლევის მეთოდები (ავტორი). - თბილისი, საბჭ. საქართველო, 1963. - 73გვ.