ოთარ ნიკოლეიშვილი

დაბადების ადგილი: ქ. ქუთაისი.

დაამთავრა ქუთაისის აკაკი წერეთლის სახელობის სახელმწიფო უნივერსიტეტის ისტორია-ინგლისური ენის ფაკულტეტი  2003 წელს; 2000 წელს კვალიფიკაცია გაიარა ამერიკის შეერთებული შტატებში, მისურის შტატის ქალაქ კოლუმბიის ინგლისური ენის ინსტიტუტში; 2003 წლის იანვარ-მარტში მისური-კოლუმბიის უნივერსიტეტში კვალიფიკაციის ამაღლების მიზნით მოისმინა ლექციების კურსი პოლიტოლოგიაში.

2007-2009წწ. იყო აკაკი წერეთლის სახელმწიფო უნივერსიტეტის სტუდენტური თვითმმართველობის მეცნიერ-კონსულტანტი, რომლის დროსაც მისი ხელმძღვანელობით მოეწყო სტუდენტთა რამდენიმე სამეცნიერო კონფერენცია; 2008-2009წწ. წყალტუბოს მხარეთმცოდნეობის მუზეუმის სამეცნიერო საბჭოს წევრი; 2009 წლიდან არის ქუთაისის მოსწავლე-ახალგაზრდობის სასწავლო-შემოქმედებითი კონფერენციის საქართველოს ისტორიის სექციის ხელმძღვანელი; სამეცნიერო კონფერენციებში მონაწილე სტუდენტთა მეცნიერ-ხელმძღვანელი; 2006–2014წწ. იყო აკაკი წერეთლის სახელმწიფო უნივერსიტეტის საქართველოს ისტორიის დეპარტამენტის ასისტენტ-პროფესორი; 2014 წლის 1 აგვისტოდან აკაკი წერეთლის სახელმწიფო უნივერსიტეტის ისტორია-არქეოლოგიის დეპარტამენტის ასოცირებული პროფესორი; არის საჯარო დიპლომატიისა და საერთაშორისო სწავლების ამერიკული ჟურნალის მთავარი რედაქტორი; ცენტრალური აზიის სოციალურ მეცნიერებათა და ისტორიის ჟურნალის რედკოლეგიის წევრი; აკაკი წერეთლის სახელმწიფო უნივერსიტეტის ჟურნალ "მოამბე" პასუხისმგებელი მდივანი, რედკოლეგიის წევრი; პერიოდული სამეცნიერო ჟურნალი "ხანძთა" რედკოლეგიის წევრი; არის მრავალი სამეცნიერო ნაშრომის ავტორი. მონაწილეა მრავალი სიმპოზიუმისა და კონფერენციის; 2012-2013წწ. სასწავლო წლიდან არის აკაკი წერეთლის სახელმწიფო უნივერსიტეტის ისტორია-არქეოლოგიის დეპარტამენტის საქართველოს ისტორიის მიმართულების სტუდენტთა სამეცნიერო წრის მეცნიერ-ხელმძღვანელი; 2014 წლიდან აკაკი წერეთლის სახელმწიფო უნივერსიტეტის ჰუმანიტარულ მეცნიერებათა ფაკულტეტის სადისერტაციო საბჭოს წევრი; 2019-2022წწ. იყო ანდრია რაზმაძის სახელობის ქალაქ ქუთაისის N41 ფიზიკა-მათემატიკის საჯარო სკოლის სამეურვეო საბჭოს წევრი. ისტორიის მეცნიერებათა კანდიდატი.

სადისერტაციო თემა - "სერგეი მესხის ეროვნული და საზოგადოებრივ-პოლიტიკური კონცეფცია", დაიცვა 2005 წელს.

• საქართველოს მეცნიერებათა ეროვნული აკადემიის ახალგაზრდა მეცნიერთა საბჭო, წევრი (2018-)
• საქართველოს მწერალთა, ხელოვანთა და მეცნიერთა ეროვნული აკადემია, წევრი (2014-)

• ნარკვევები საქართველოს ისტორიიდან (ავტორი) // წიგნი 2. - ქუთაისი, აკ. წერეთლის სახელმწ. უნ-ტის გამ-ბა, 2025. - 308გვ.. - ISBN: 9789941518188
• ნარკვევები საქართველოს ისტორიიდან (ავტორი) // წიგნი 1. - ქუთაისი, აკ. წერეთლის სახელმწ. უნ-ტის გამ-ბა, 2018. - 440გვ.. - ISBN: 9992879637
• მსოფლიოს ქვეყნები : ცნობარი (ავტორი). - ქუთაისი, აკ. წერეთლის სახელმწ. უნ-ტის გამ-ბა, 2014. - 166გვ.. - ISBN: 9789941453458
• ევროპელი ავტორები ქუთაისის შესახებ (XV-XIX სს.) (თანაავტორი). - ქუთაისი, ქუთაისის უნ-ტის გამ-ბა, 2012. - 256გვ.. - ISBN: 9789941432699
• ნარკვევები საქართველოსთან ამერიკის ურთიერთობის ისტორიიდან (ავტორი). - ქუთაისი, აკ. წერეთლის სახელმწ. უნ-ტის გამ-ბა, 2011. - 163გვ.. - ISBN: 9789941432217