შალვა ქორიძე

დაბადების ადგილი: ქ. ქუთაისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1935 წელს.

მუშაობა დაიწყო იმავე ინსტიტუტის მეანო-გინეკოლოგიის კათედრის კლინიკურ ორდინატორად; 1938-1940წწ. იყო დედისა და ბავშვთა დაცვის რესპუბლიკური სამეცნიერო-კვლევითი ინსტიტუტის დირექტორის მოადგილე; დიდი სამამულო ომის დროს ქირურგიის ჰოსპიტლის მთავარი ექიმი; 1952-1965წწ. დედისა და ბავშვთა დაცვის რესპუბლიკური სამეცნიერო-კვლევითი ინსტიტუტის დირექტორი; 1965-1975წწ. ამავე ინსტიტუტის განყოფილების გამგე; 1936 წლიდან კითხულობდა სამეანო-გინეკოლოგიურ კურსს თბილისის სამეანო ტექნიკუმში; კვლევით ინსტიტუტში უძღვებოდა სტუდენტების, კლინიკური ორდინატორების, რაიონებიდან მოვლინებული ექიმების, ასპირანტების დახელოვნების საქმეს. მრავალი სამეცნიერო ნაშრომიდან დაბეჭდილი ჰქონდა 81, რომელთაგან 10 მონოგრაფია და სახელმძღვანელოა. მეან-გინეკოლოგი, მედიცინის მეცნირებათა კანდიდატი (1948), მედიცინის მეცნირებათა დოქტორი (1959). პროფესორი (1962).

წყარო: საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.708-709

• 1968 - საქართველოს მეცნიერებათა დამსახურებული მოღვაწე