ნაომი ბოჭორიშვილი

დაბადების ადგილი: სოფელი იწა, ამბროლაურის რაიონი.

დაამთავრა საქართველოს პოლიტექნიკური ინსტიტუტი სამთო მანქანებისა და მაღაროს ტრანსპორტის სპეციალობით 1969 წელს; ამავე ინსტიტუტის ასპირანტურა 1972 წელს.

1969 წლიდან მუშაობდა საქართველოს პოლიტექნიკური ინსტიტუტის სამთო მანქანებისა და მაღაროს ტრანსპორტის კათედრაზე ჯერ უმცროს მეცნიერ თანამშრომლად, უფროს ინჟინრად, ხოლო შემდეგ ლაბორატორიის გამგედ; 1978 წელს სამუშაოდ გადავიდა შრომის დაცვისა და მაღაროს აეროლოგიის კათედრაზე ასისტენტის თანამდებობაზე; 1985-1992წწ. დაიკავა დოცენტის თანამდებობა; 1992 წელს აირჩიეს შრომის დაცვისა და მაღაროს აეროლოგიის კათედრის გამგედ; 1993 წელს მიენიჭა პროფესორის წოდება; ის სისტემატიურად მონაწილეობდა სამეცნიერო-კვლევით სამუშაოებში; დანერგილი აქვს ოთხი სამეცნიერო-კვლევითი სამუშაო საქართველოს მოსაპირკეთებელი მასალების კარიერებზე, აგრეთვე მის მიერ დანერგილია ოთხი სამეცნიერო-კვლევითი სამუშაო, მათ შორის ორი პნევმოკონტეინერულ ტრანსპორტზე; არის საქართველოს უმაღლესი და საშუალო სპეციალური განათლების სამინისტროს უმაღლეს სასწავლებლებში შესრულებული და წარმოებაში დანერგილი მაღალეფექტური სამეცნიერო ნამუშევრების პირველი პრემის ლაურიატი. 100 სამეცნიერო ნაშრომის, 5 მონოგრაფიის, 4 ბროშურის, 4 სახელმძღვანელოს ავტორი. ტექნიკურ მეცნიერებათა კანდიდატი (დაიცვა 1984 წელს ქ. მოსკოვში, სამთო ინსტიტუტში), პროფესორი (1993).

წყარო: ჩვენი რაჭა / ირაკლი დვალი.-თბ.,2008.-გვ.84

• საინჟინრო უსაფრთხოება : განმარტებითი ლექსიკონი (შემდგენელი). - თბილისი, ტექნ. უნ-ტი, 2016. - 479გვ.. - ISBN: 9789941206313
• უსაფრთხოების ტექნიკის საფუძვლები ნავთობისა და აირის მოპოვებისა და ექსპლუატაციისას (თანაავტორი) // ნაწ. 2. - თბილისი, ტექნ. უნ-ტი, 2013. - 661გვ.. - ISBN: 9789941202438
• უსაფრთხოების ტექნიკის საფუძვლები ნავთობისა და აირის მოპოვებისა და ექსპლუატაციისას (თანაავტორი) // ნაწ. 1. - თბილისი, ტექნ. უნ-ტი, 2013. - 613გვ.. - ISBN: 9789941202421
• საშენი და მოსაპირკეთებელი ქვის ფიზიკურ-მექანიკური თვისებების შესწავლის თანამედროვე მეთოდები = Moderm methods of building and facing stones physical and mechanical propertie's study : სახელმძღვანელო (თანაავტორი). - თბილისი, 2012. - 298გვ.. - ISBN: 9789941039096
• სიცოცხლის უსაფრთხოება : საგანგებო სიტუაციების მართვა და სამოქალაქო თავდაცვა : სახელმძღვანელო (თანაავტორი). - თბილისი, ტექნ. უნ-ტი, 2011. - 640გვ.. - ISBN: 9789941149283