გალინა გავაშელი

დაბადების ადგილი: ქ. ქლუხორი, კრასნოდარის ოლქი.

დაამთავრა თბილისის ქორეოგრაფიული სასწავლებელი 1972 წელს; საქართველოს უცხო ენეთა პედაგოგიური ინსტიტუტი ფრანგული ენის სპეციალობით 1979 წელს.

ქორეოგრაფიულ სასწავლებელში სწავლის პარალელურად სტაჟიორად მუშაობდა ზაქარია ფალიაშვილის სახელობის ოპერისა და ბალეტის სახელმწიფო აკადემიურ თეატრში; 1972 წელს გადავიდა საქართველოს აკადემიურ ქართული ცეკვის ანსამბლში ი. სუხიშვილისა და ნ. რამიშვილის ხელმძღვანელობით და გასტროლებით შემოიარა საფრანგეთი, გერმანია, იუგოსლავია, აშშ, ბელგია, ესპანეთი, იტალია და ა. შ.; 1978-1983წწ. ცეკვავდა ანსამლ "რუსთავში", რომელსაც იმ დროს ანზორ ერქომაიშვილი და რევაზ ჭოხონელიძე ხელმძღვანელობდნენ; 1983 წელს მუშაობა დაიწყო საქართველოს სახელმწიფო ფოლკლორ ანსამბლ "თბილისში".

წყარო: ჩვენი რაჭა / ირაკლი დვალი.-თბ.,2008.-გვ.103