აკაკი ვაშაკიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ავტომატიკისა და გამოთვლითი ტექნიკის ფაკულტეტი "ელექტრონული გამომთვლელი მანქანების" სპეციალობით 1972 წელს; ასპირანტურა 1975 წელს.

1975 წლიდან იყო კათედრის სამეცნიერო თემის უმცროსი მეცნიერ-თანამშრომელი; 1976 წლიდან - ავტომატიკისა და გამოთვლითი ტექნიკის საპრობლემო ლაბორატორიის მეცნიერ-თანამშრომელი; 1978 წელს დაიცვა საკანდიდატო დისერტაცია და მიენიჭა ტექნიკის მეცნიერებათა კანდიდატის სამეცნიერო ხარისხი; გამოქვეყნებული ჰქონდა 30-ზე მეტი სამეცნიერო ნაშრომი და სახელმძღვანელო, 2 გამოგონება; 1979 წლიდან აქტიურად ჩაება ფაკულტეტის პედაგოგიურ საქმიანობაში; ჯერ იყო "გამოთვლითი ტექნიკის" კათედრის ასისტენტი, შემდეგ - 1981 წლიდან უფროსი მასწავლებელი, 1983 წლიდან კათედრის დოცენტი; 2006 წელს იგი აირჩიეს ამავე კათედრის ასოცირებული პროფესორის თანამდებობაზე; საქართველოს ტექნიკური უნივერსიტეტის ასოცირებული პროფესორი, ტექნიკის მეცნიერებათა კანდიდატი, "გამოთვლითი ტექნიკის-№51" კათედრის გამგის მოადგილე, წლების განმავლობაში იყო ავტომატიკისა და გამოთვლითი ტექნიკის ფაკულტეტის დეკანის მოადგილე საზოგადოებრივ საწყისებზე ახალგაზრდა სპეციალისტებთან მუშაობის დარგში. 

საკანდიდატო დისერტაციის თემა - "გამოთვლითი ტექნიკის საშუალებებით სახლმშენებელ კომბინატის ტექნოლოგიური პროცესების მათემატიკური მოდელირებისა და მართვის ზოგიერთი საკითხები", დაიცვა 1978 წელს.

წყარო: საქართველო ინფორმატიზაციის სათავეებთან/იდეის ავტორები: ივ. გორგიძე, ალ. გრიგოლიშვილი, ნ. იაშვილი; სარედაქციო კოლეგია: ა. ფრანგიშვილი, ბ. აბდუშელიშვილი, მ. ახობაძე [და სხვ.]. -თბ., 2017.-გვ.262; საქართველოს ტექნიკური უნივერსიტეტი: gtu.ge

• ამოცანათა კრებული ხელოვნურ ინტელექტში (თანაავტორი) // (ნაწ. 1) . - თბილისი, ტექნ. უნ-ტი, 2006. - 262გვ.
• ლაბორატორიული სამუშაოები ცგმ ელემენტების გაანგარიშებისა და დაპროექტების კურსში (შემდგენელი) // ნაწ. 1. - თბილისი, საქ. პოლიტექნ. ინ-ტის გამ-ბა და სტ., 1983. - 56გვ.