რევაზ თევზაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის მათემატიკის ფაკულტეტი 1978 წელს. 1978-1982წწ. სწავლობდა თბილისის სახელმწიფო უნივერსიტეტის  ასპირანტურაში მათემატიკური  ფიზიკისა და დიფერენციალური განტოლებების მიმართულებით.

1997-2005წწ. - თბილისის სახელმწიფო უნივერსიტეტი, მათემატიკური ანალიზის კათედრა, მოწვეული ლექტორი; 2006-2007წწ. - საქართველოს ტექნიკური უნივერსიტეტი, საერთაშორისო ნავთობგაზსადენების ფაკულტეტი, სრული პროფესორი; 2006-2007წწ. - საქართველოს ტექნიკური უნივერსიტეტის აკადემიური საბჭოს წევრი; 2007 წლიდან - ქართულ-ამერიკული უნივერსიტეტი, ბიზნეს სკოლა, სრული პროფესორი. სხვადასხვა დროს ლექციებს კითხულობდა თბილისის სხვადასხვა უნივერსიტეტში. ამავე დროს არის თბილისის ტექნიკური უნივერსიტეტის კიბერნეტიკის ინსტიტუტის სტოქასტური ანალიზისა და მათემატიკური მოდელირების განყოფილების მთავარი მეცნიერ-თანამშრომელი. 60-მდე სამეცნიერო ნაშრომის ავტორი. მისი სამეცნიერო ინტერესებია: სტოქასტური ანალიზი, ოპტიმალური მართვის თეორია, მათემატიკური ფინანსები, მათემატიკური ფიზიკა. მონაწილეობს საერთაშორისო კონფერენციებში და სიმპოზიუმებში.

საკანდიდატო დისერტაციის თემა - "ოპტიმალობის აუცილებელი პირობები განზოგადოებული მართვების მქონე დიფუზიური პროცესებისთვის" (ვილნიუსის  სახელმწიფო  უნივერსიტეტი), დაიცვა 1988 წელს; სადოქტორო დისერტაციის თემა - "სემიმარტინგალური შექცეული განტოლებები და ბელმანის განტოლებები დაკავშირებული მათემატიკური ფინანსების ზოგიერთ ამოცანასთან" (თბილისის  ნ. მუსხელიშვილის სახელობის გამოთვლითი  მათემატიკის  ინსტიტუტი), დაიცვა 2003 წელს.

წყარო: საქართველოს ტექნიკური უნივერსიტეტი: my.gtu.ge