თეიმურაზ იმედაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ავტომატიკისა და გამოთვლითი ტექნიკის ფაკულტეტი, ავტომატიკისა და ტელემექანიკის სპეციალობით.

1964 წლიდან - საქართველოს პოლიტექნიკური ინსტიტუტი, ავტომატიკისა და ტელემექანიკის კათედრის ასისტენტი; 1968 წელს სწავლა გააგრძელა პეტერბურგის (ლენინგრადის) ზუსტი მექანიზმებისა და ოპტიკის ინსტიტუტის ასპირანტურაში; 1973 წელს დაიცვა საკანდიდატო დისერტაცია და 1974 წელს მიენიჭა ტექნიკის მეცნიერებათა კანდიდატის ხარისხი; დიდია მისი დამსახურება სამეცნიერო-პედაგოგიური მოღვაწეობის თვალსაზრისით; 1971 წლიდან - საქართველოს  პოლიტექნიკური ინსტიტუტის ავტომატიკისა და ტელემექანიკის კათედრაზე, ასისტენტი, უფროსი მასწავლებელი; 1975 წლიდან - დოცენტი; 1978 მიენიჭა დოცენტის აკადემიური წოდება სპეციალობით "ავტომატიკა და ტელემექანიკა"; 1986-1989წწ. - ავტომატიკისა და გამოთვლითი ტექნიკის ფაკულტეტის დეკანის მოადგილე; 1989-2005წწ. - "მართვისა და ავტომატიზაციის" კათედრის დოცენტი; 2006 წლიდან - იმავე კათედრის სრული პროფესორი; 2007 წლიდან - საინჟინრო კიბერნეტიკისა და ხელსაწყოთმშენებლობის დეპარტამენტის სრული პროფესორი. გამოქვეყნებული აქვს 50-ზე მეტი სამეცნიერო და პედაგოგიური ნაშრომი, მათ შორის 8 სახელმძღვანელო. მნიშვნელოვანია მისი ღვაწლი და ინიციატივა ქართველი სტუდენტების პრაქტიკების ორგანიზაციის საკითხებში პეტერბურგის უნივერსიტეტებსა და ავტომატიზაციის სამეცნიერო-საწარმოო დაწესებულებებში. საქართველოს ტექნიკური უნივერსიტეტის სრული პროფესორი, ტექნიკის მეცნიერებათა კანდიდატი.

საკანდიდატო დისერტაციის თემა - "მართვის გამოთვლითი სისტემების ოპტიმალური დინამიკური მახასიათებლების განსაზღვრის ალგორითმული კვლევა და დამუშავება", დაიცვა 1973 წელს. 

წყარო: საქართველო ინფორმატიზაციის სათავეებთან/იდეის ავტორები: ივ. გორგიძე, ალ. გრიგოლიშვილი, ნ. იაშვილი; სარედაქციო კოლეგია: ა. ფრანგიშვილი, ბ. აბდუშელიშვილი, მ. ახობაძე [და სხვ.]. -თბ., 2017.-გვ.268; საქართველოს ტექნიკური უნივერსიტეტი: gtu.ge

• მართვის სისტემების ინჟინერია : სახელმძღვ. (თანაავტორი). - თბილისი, ტექნ. უნ-ტი, 2009. - 483გვ.. - ISBN: 9789941145315
• მართვის პრობლემათა თანამედროვე ანალიზი Matlab-ის პროგრამული უზრუნველყოფით : დამხმ. სახელმძღვ. (თანაავტორი). - თბილისი, სტუ, 2003. - 160გვ.
• მართვის თეორია (თანაავტორი) // წ. 3, სინერგეტიკა . - თბილისი, ტექნ. უნ-ტი, 2000. - 870გვ.. - ISBN: 9992878037
• მართვის თეორია (თანაავტორი) // წ. 1, წრფივი სისტემები . - თბილისი, ტექნ. უნ-ტი, 1999. - 552გვ.. - ISBN: 9992836008
• მართვის თეორია (თანაავტორი) // წ. 2, არაწრფივი სისტემები. - თბილისი, ტექნ. უნ-ტი, 1999. - 862გვ.
• ავტომატური მართვის თეორია : მდგომარეობის სივრცის მეთოდი (თანაავტორი). - თბილისი, ტექნ. უნ-ტის გამ-ბა, 1994. - 112გვ.