თემურ კაპანაძე

დაბადების ადგილი: სოფელი სკრა, გორის რაიონი.

დაამთავრა საქართველოს პოლიტექნიკური ინსტიტუტის ავტომატიკისა და გამოთვლითი ტექნიკის ფაკულტეტი "ელექტრონული გამომთვლელი მანქანების" სპეციალობით 1971 წელს.

1972 წლიდან - საქართველოს პოლიტექნიკურ ინსტიტუტში "მართვის ავტომატიზებული სისტემების" ახლადშექმნილი კათედრის პირველი გამოთვლითი ცენტრის უფროსი, ამავე კათედრის ასისტენტი, მეცნიერ-თანამშრომელი, დოცენტი; 2000-2003წწ. - ქ. ქუთაისის სპეცსაკონსტრუქტორო ბიურო "პროექტხელსაწყოს" დირექტორი, ქუთაისის საინჟინრო ინსტიტუტის "მართვის კომპიუტერული სისტემების" კათედრის გამგე; 2009 წლიდან - საქართველოს საავიაციო უნივერსიტეტის ასოცირებული პროფესორი, ამავდროულად კითხულობდა ლექციებს საქართველოს ტექნიკურ უნივერსიტეტში "ხელოვნური ინტელექტის", "ინტერდისციპლინარული ინფორმატიკის" კათედრებზე. 2016 წლიდან დაუბრუნდა "მართვის ავტომატიზებული სისტემების" კათედრას. გამოქვეყნებული ჰქონდა მრავალი ორიგინალური სამეცნიერო ნაშრომი და წიგნი.

წყარო: საქართველო ინფორმატიზაციის სათავეებთან/იდეის ავტორები: ივ. გორგიძე, ალ. გრიგოლიშვილი, ნ. იაშვილი; სარედაქციო კოლეგია: ა. ფრანგიშვილი, ბ. აბდუშელიშვილი, მ. ახობაძე [და სხვ.]. -თბ., 2017.-გვ.269; საქართველოს ტექნიკური უნივერსიტეტი: gtu.ge