უშანგი კოვზიაშვილი

დაბადების ადგილი: ქ. გორი.

დაამთავრა კავშირგაბმულობის მოსკოვის ელექტროტექნიკური ინსტიტუტი 1956 წელს.

ინსტიტუტის დამთავრების შემდეგ მუშაობა დაიწყო გორის ახალგახსნილ სამეცნიერო-კვლევით ინსტიტუტში "ავტომატმრეწვი"; 1974-1977წწ. თითქმის ყველა სამეცნიერო თუ ტექნიკურ თანამდებობაზე იმუშავა, დაწყებული მე-3 კატეგორიის ინჟინრიდან დირექტორობამდე; 1978 წლიდან - ანალიზური ხელსაწყოთმშენებლობის თბილისის სპეციალური საკონსტრუქტორო ბიუროს გორის ლაბორატორიის გამგე; 1984 წლიდან - საბჭოთა კავშირის სარეზერვო კომიტეტის საქართველოს ტერიტორიული სამმართველოს კომბინატ "იუჟენის" მთავარი ინჟინერი. მისი სამეცნიერო ინტერესების სფერო იყო ანალიტიკური ხელსაწყოთმშენებლობა. იყო ათეულობით სამეცნიერო ნაშრომის, გამოგონებისა და რაციონალური წინადადების ავტორი.

წყარო: საქართველო ინფორმატიზაციის სათავეებთან/იდეის ავტორები: ივ. გორგიძე, ალ. გრიგოლიშვილი, ნ. იაშვილი; სარედაქციო კოლეგია: ა. ფრანგიშვილი, ბ. აბდუშელიშვილი, მ. ახობაძე [და სხვ.]. -თბ., 2017.-გვ.275