ანდრო კანდელაკი

დაბადების ადგილი: სოფელი ნიკორწმინდა, ამბროლაურის რაიონი.

დაამთავრა ქ. მოსკოვის რეალური სასწავლენელი 1916 წელს; მოსკოვის პეტროვორაზუმოვსკის აკადემია (შემდგომში ტიმირიაზევის სახელობის აკადემია) 1920 წელს; ჰალეს უნივერსიტეტი (გერმანია). 

1934 წელს მისი ინიციატივით სოფელ ნიკორწმინდაში დაარსდა საშუალო სკოლა და მის პირველ დირექტორადაც დაინიშნა. პარალელურად, გერმანულ ენას ასწავლიდა ამბროლაურის ახლად გახსნილ პედაგოგიურ ტექნიკუმში. ის შემოქმედებით-მეცნიერულ მოღვაწეობასაც ეწეოდა, ღირსეულ და გამოჩენილ პედაგოგთა შესახებ შექმნა პოპულარული ხასიათის მონოგრაფია, წარმოაჩინა დავით კლდიაშვილის, ვლადიმერ ჭელიძის, სიმონ, მალაქია და ვასილ ჯაფარიძეების, გიორგი კენკაძის, პლატონ წულუკიძის, ლონგილოზ კიკვაძის, ვასილ ანდღულაძის ღვაწლი და დამსახურება. მოგვიანებით  გადმოვიდა ქ. თბილისში და სხვადასხვა წლებში მუშაობდა 44-ე, 47-ე და 55-ე საშუალო სკოლებში; ლექციებს კითხულობდა თბილისის სახელმწიფო სამედიცინო ინსტიტუტში. 1947 წელს გადაიყვანეს საქართველოს განათლების სამინისტროში გერმანული ენის სპეციალისტად. არქიპო კანდელაკის პედაგოგიური და საზოგადიებრივი მოღვაწეობა ღირსეულად დაფასდა სახელმწიფოს მხრიდან, დაჯილდოებული იყო არაერთი ორდენით, მედლითა და საპატიო წოდებით.

წყარო: ჩვენი რაჭა / ირაკლი დვალი.-თბ.,2008.-გვ.173-174

• 1954 - ლენინის ორდენი
• 1949 - წითელი დროშის ორდენი
• საქართველოს დამსახურებული პედაგოგი

• ქართული ანდაზები : კრებული (შემდგენელი). - თბილისი, სამშობლო, 1999. - 173გვ.. - ISBN: 9992826843
• ქართული ანდაზები : ფშავ-ხევსურული (შემდგენელი). - თბილისი, ლიტერატურა და ხელოვნება, 1965. - 251გვ.
• ქართული ანდაზები (ავტორი). - თბილისი, საბჭოთა საქართველო, 1959. - 94გვ.